ଛାତ୍ରଛାତ୍ରୀଙ୍କ ମଧ୍ୟାହ୍ନ ଭୋଜନର ମାନ ଯାଞ୍ଚ୍ କଲେ ବିଡିଓ
ବେଲଗୁଣ୍ଠା, ଛାତ୍ରଛାତ୍ରୀଙ୍କୁ ବିଦ୍ୟାଳୟକୁ ଆକୃଷ୍ଟ କରିବା ସହିତ ସେମାନଙ୍କୁ ଉପଯୁକ୍ତ ପୋଷଣ ଯୋଗାଇବା ଉଦ୍ଦେଶ୍ୟରେ ସରକାର ଦଶମ ଶ୍ରେଣୀ ପର୍ଯ୍ୟନ୍ତ ପ୍ରତ୍ୟେକ ଛାତ୍ରଛାତ୍ରୀଙ୍କୁ ପୌଷ୍ଟିକ ଆହାର ଯୋଗାଇ ଦେଉଛନ୍ତି I କିନ୍ତୁ ବହୁ ସମୟରେ ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ଯୋଗାଇ ଦିଆଯାଉଥିବା ଖାଦ୍ୟର ମାନକୁ ନେଇ ପ୍ରଶ୍ନ ଉଠିଥାଏ I ବିଶେଷ କରି ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ପଚା ଅଣ୍ଡା, ପୋକରା ଚାଉଳ ଭାତ, ପାଣିଆ ଡ଼ାଲମା ଯୋଗାଇ ଦିଆଯାଉଥିବା ନେଇ ବହୁ ସମୟରେ ବିଦ୍ୟାଳୟ କର୍ତ୍ତୃପକ୍ଷ ଏବଂ ମଧ୍ୟାହ୍ନ ଭୋଜନ ଯୋଗାଣକାରୀ ସଂସ୍ଥାଙ୍କ ବିରୋଧରେ ଗଣମାଧ୍ୟମରେ ପ୍ରକାଶ ପାଇଥାଏ I ଏଥିରେ ଲଗାମ ଲଗାଇବା ପାଇଁ ସରକାର ବିଭିନ୍ନ ଅଧିକାରୀଙ୍କ ମାଧ୍ୟମରେ ବିଦ୍ୟାଳୟ ସ୍ତରରେ ମଧ୍ୟାହ୍ନ ଭୋଜନର ମାନ ଯାଞ୍ଚ୍ କରିଥାନ୍ତି I ଏହି କ୍ରମରେ ଆଜି ବେଲଗୁଣ୍ଠା ଗୋଷ୍ଠୀ ଉନ୍ନୟନ ଅଧିକାରୀ. ସିଙ୍ଗାପୁରମ୍ ହରି ଗୋବରା ପଂଚାୟତ ଅନ୍ତର୍ଗତ ଡେଙ୍ଗାପଦର ଉଚ୍ଚ ପ୍ରାଥମିକ ବିଦ୍ୟାଳୟରେ ଅଚାନକ ପହଂଚି ସେଠାରେ ମଧ୍ୟାହ୍ନଭୋଜନ ଖାଇବା ସହିତ ଏହାର ସ୍ଵାଦ, ଗୁଣବତ୍ତା ଯାଞ୍ଚ୍ କରିଥିଲେ I ସେହିପରି ମଧ୍ୟାହ୍ନଭୋଜନ ବଣ୍ଟନ ସମୟରେ ସ୍ଵଚ୍ଛତା, ଶୃଙ୍ଖଳା,ଛାତ୍ରଛାତ୍ରୀଙ୍କ ହାତ ଧୁଆ ଅଭ୍ୟାସ ସମ୍ପର୍କରେ ଶିକ୍ଷକ ଶିକ୍ଷୟିତ୍ରୀଙ୍କ ସହିତ ଆଲୋଚନା କରିଥିଲେ I ମଧ୍ୟାହ୍ନଭୋଜନ ଯାଞ୍ଚ୍ ସମୟରେ ବିଡିଓ ସିଙ୍ଗିପୁରମ ହରି ଙ୍କ ସହିତ ଗୋବରା ସମିତିସଭ୍ୟ ବିଭୂପାଦ ଜେନା ମଧ୍ୟ ଉପସ୍ଥିତ ଥିଲେ I ବିଡିଓଙ୍କର ଏହିଭଳି ଅଚାନକ ବିଦ୍ୟାଳୟ ପରିଦର୍ଶନ ଏବଂ ମଧ୍ୟାହ୍ନଭୋଜନ ଯାଞ୍ଚ୍ କାର୍ଯ୍ୟକ୍ରମକୁ ଅଭିଭାବକ ମହଲରେ ସ୍ୱାଗତ କରାଯାଇଛି I
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
Post a Comment