ଆବାସ ଯୋଜନା ରେ ଜାଲିଆତି କରି ଏଡିଇଓ ନିଲମ୍ବିତ ।
ବୌଦ୍ଧ , ର୍ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଖଟଖଟିଆ ଗ୍ରାମପଞ୍ଚାୟତର ଏଡିଇଓ -କମ୍-ଟ୍ୟାଗ୍ ଅଧିକାରୀ ସରୋଜ କୁମାର ମହାକୁଡ ତାଙ୍କର ସରକାରୀ କର୍ତ୍ତବ୍ୟରେ ଅବହେଳା ଓ ଅନିୟମିତତା ଅଭିଯୋଗ ଆଧାରରେ ଜିଲ୍ଲାପାଳ ବୌଦ୍ଧ ତାଙ୍କୁ କାର୍ଯ୍ୟରୁ ନିଲମ୍ବିତ କରିଛନ୍ତି l ସୂଚନାମତେ ଅଭିଯୋଗ ହୋଇଛି ଯେ, କଣ୍ଟାମାଳ ବ୍ଲକ ଅନ୍ତର୍ଗତ ଖଟଖଟିଆ ଗ୍ରାମ ପଞ୍ଚାୟତର ଏଡିଇଓ -କମ୍-ଟ୍ୟାଗ୍ ଅଧିକାରୀ ସରୋଜ କୁମାର ମହାକୁଡ଼ ସରକାରୀ କର୍ତ୍ତବ୍ୟରେ ଅବହେଳା କରିବା ସହ ଗୁରୁତର ଦୁର୍ବ୍ୟବହାର ଏବଂ ଗ୍ରାମୀଣ ଆବାସ ଯୋଜନାରେ ଆର୍ଥିକ ଅନିୟମିତତା କରିଛନ୍ତି। ବିଶେଷକରି, ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା ହିତାଧିକାରୀ ଶ୍ରୀମତୀ ଯଜ୍ଞାସିନୀ ବାଙ୍କ (ପିଏମ ଏ ୱାଇ ଆଇଡି : ଓଆର ୧୫୪୦୧୮୨୯୪)ଙ୍କ ଦ୍ୱିତୀୟ କିସ୍ତି ଅର୍ଥ ମଞ୍ଜୁର କରାଇବା ଉଦ୍ଦେଶ୍ୟରେ ଏକ ପୁରୁଣା ବା ଆଗରୁ ଥିବା ଘରର ଫଟୋକୁ ମିଥ୍ୟା ଭାବରେ ଅପଲୋଡ୍ କରାଯାଇଥିବା ଅଭିଯୋଗ ହୋଇଛି। ଅଭିଯୋଗ ଆଧାରରେ ଏଡିଇଓ ଶ୍ରୀ ମହାକୁଡଙ୍କ ବିରୁଦ୍ଧରେ ଏକ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ବିଚାର କରାଯାଉଛି, ବର୍ତ୍ତମାନ ତେଣୁ ନିଯୁକ୍ତି ପ୍ରାଧିକରଣ ଏବଂଜିଲ୍ଲା ପାଳ ବୌଦ୍ଧ, ଓଡ଼ିଶା ସିଭିଲ୍ ସର୍ଭିସେସ୍ (ବର୍ଗୀକରଣ, ନିୟନ୍ତ୍ରଣ ଏବଂ ଆପିଲ୍) ନିୟମ, ୧୯୬୨ ର ନିୟମ ୧୨ ର ଉପ-ନିୟମ (୧) ର କ୍ଲଜ (ଏ ) ଦ୍ୱାରା ପ୍ରଦାନ କରାଯାଇଥିବା କ୍ଷମତା ବ୍ୟବହାର କରି ଶ୍ରୀ ସରୋଜ କୁମାର ମହାକୁଡ, ଏଡିଇଓ ଙ୍କୁ ଜିଲ୍ଲାପାଳ ବୌଦ୍ଧ ତୁରନ୍ତ ପ୍ରଭାବରୁ ନିଲମ୍ବନ କରିଛନ୍ତି। ଆହୁରି ନିର୍ଦ୍ଦେଶ ଦିଆଯାଇଛି ଯେ ଏହି ଆଦେଶ ବଳବତ୍ତର ରହିବା ପର୍ଯ୍ୟନ୍ତ, ଖଟଖଟିଆ ଗ୍ରାମ ପଞ୍ଚାୟତର ଏଡିଇଓ ଶ୍ରୀ ସରୋଜ କୁମାର ମହାକୁଡଙ୍କ ମୁଖ୍ୟାଳୟ କଣ୍ଟାମାଳର ତହସିଲ କାର୍ଯ୍ୟାଳୟ ହେବ ଏବଂ ଶ୍ରୀ ସରୋଜ କୁମାର ମହାକୁଡ ତହସିଲଦାର କଣ୍ଟାମାଳଙ୍କ ପୂର୍ବ ଅନୁମତି ବିନା ମୁଖ୍ୟାଳୟ ଛାଡିବେ ନାହିଁ। ସେ ଓଡ଼ିଶା ସେବା ସଂହିତାର ନିୟମ ୯୦ ଅନୁଯାୟୀ ଭତ୍ତା ପ୍ରଦାନ ପାଇଁ ହକଦାର ହେବେ।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق