ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର,ରାସଙ୍ଗର ଦୁଇ ଶିକ୍ଷୟିତ୍ରୀ ହେବେ ପୁରସ୍କୃତ
ଗଣିଆ ୩୧/୦୮(ସମିସ) ମ୍ୟାଟ୍ରିକ ପରୀକ୍ଷାରେ ଉନ୍ନତ ମାନର ପ୍ରଦର୍ଶନ କରିଥିବା ବିଦ୍ୟାଳୟର ଶିକ୍ଷକ ମାନଙ୍କୁ ପଞ୍ଚସଖା ଶିକ୍ଷା ସେତୁ ସଂଗଠନ ତରଫରୁ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପ୍ରଦାନ କରାଯାଉଛି । ଶିକ୍ଷକ ମାନଙ୍କୁ ଉତ୍ସାହିତ କରିବା ପାଇଁ ଏହି ପୁରସ୍କାର ଗତ ଦୁଇ ବର୍ଷ ହେବ ଦିଆଯାଉଛି । ତେବେ ୨୦୨୩-୨୪ ମସିହା ପାଇଁ ଜିଲ୍ଲା ମାଧ୍ୟମିକ ସ୍ତରରେ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ଗଣିଆ ବ୍ଳକ ରାମଚନ୍ଦ୍ର ପ୍ରାଣବନ୍ଧୁ ଉଚ୍ଚ ବିଦ୍ୟାଳୟର ଦୁଇ ଶିକ୍ଷୟିତ୍ରୀ ।
ଉକ୍ତ ବିଦ୍ୟାଳୟର ତୃତୀୟ ଭାଷା ପାଇଁ ଅନିତା ମହାପାତ୍ର ଏବଂ ସାଧାରଣ ବିଜ୍ଞାନ ପାଇଁ ଲୋପାମୁଦ୍ରା ବେହେରାଙ୍କୁ ମନୋନୀତ କରାଯାଇଛି । ତେବେ ଉକ୍ତ ଖବର ଜଣାପଡିବା ପରେ ଶିକ୍ଷୟିତ୍ରୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ବିଦ୍ୟାଳୟର ଭାରପ୍ରାପ୍ତ ପ୍ରଧାନଶିକ୍ଷକ ଭାଗିରଥି ଜାନି, ପୂର୍ବତନ ପ୍ରଧାନଶିକ୍ଷକ ପୂର୍ଣ୍ଣଚନ୍ଦ୍ର ସାହୁ ଏବଂ ଅଞ୍ଚଳବାସୀ ଉଭୟ ଶିକ୍ଷୟିତ୍ରୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।ସୂଚନା ଯୋଗ୍ୟ ଯେ ୨୦୨୩ ମସିହା ପାଇଁ ଉକ୍ତ ବିଦ୍ୟାଳୟର ଦେବୀପ୍ରସାଦ ଦାଶ ଓ ଭାଗିରଥି ଜାନି ମଧ୍ୟ ପୁରସ୍କାର ଗ୍ରହଣ କରିଥିଲେ ଯାହାକି ବିଦ୍ୟାଳୟ ପାଇଁ ଗର୍ବ ଓ ଗୌରବର ବିଷୟ ।
إرسال تعليق