*ସମୀକ୍ଷା ବଦଳରେ ଖାଇ ପିଇ ଫେରିଗଲେ ରାଜ୍ୟ ଖାଦ୍ୟ କମିଶନ ଅଧକ୍ଷ*
ତିର୍ତ୍ତୋଲ:- ରାଜ୍ୟରେ ସରକାର ପରିବର୍ତ୍ତନ ପରେ ନୂଆ ସରକାରଙ୍କ ତରଫରୁ ଉଚ୍ଚପଦସ୍ଥ ଅଧିକାରୀ ମାନଙ୍କୁ କାର୍ଯ୍ୟାଳୟ ଛାଡି ନିଜ କର୍ମକ୍ଷେତ୍ର ରେ ଦାୟିତ୍ୱ ନିର୍ବାହ ପୂର୍ବକ ସାଧାରଣ ଜନତାଙ୍କ ନିକଟରେ ପହଞ୍ଚି ସରକାର ଙ୍କ ତରଫରୁ ସେମାନଙ୍କୁ ମିଳୁଥିବା ମୌଳିକ ସୁବିଧା ସୁଯୋଗ ସଠିକ ଭାବେ କାର୍ଯ୍ୟକାରୀ ହେଉଛି କି ନାହିଁ ସେଗୁଡିକର ରିପୋର୍ଟ ସରକାର ଙ୍କ ନିକଟରେ ଦାଖଲ କରିବାକୁ ନିର୍ଦେଶ ଦିଆଯାଇଛି | ଏମିତିକି ସାଧାରଣ ଜନତାଙ୍କ ସମସ୍ୟା ବା ଅଭିଯୋଗ ବିଷୟରେ ଅବଗତ ହୋଇ ସେସବୁର ସମାଧାନ ନିମନ୍ତେ, ଜନଶୁଣାଣୀ ଦ୍ୱାରା ନିଜେ ମୁଖ୍ୟମନ୍ତ୍ରୀ ସାଧାରଣ ଜନତାଙ୍କ ଅଭିଯୋଗ ଶୁଣିବା ସହିତ, ସମସ୍ତ ମନ୍ତ୍ରୀ ଏବଂ ବିଧାୟକ ମାନଙ୍କୁ ନିର୍ଦେଶ ଦେଇଛନ୍ତି ଜନଶୁଣାଣୀ କରି ସାଧାରଣ ଲୋକଙ୍କ ନିକଟତର ହେବା ପାଇଁ | ତେଣୁ ପ୍ରାୟତଃ ସମସ୍ତ ବିଜେପି ବିଧାୟକ ସରକାରୀ ଛୁଟି ଦିବସରେ ନିଜ ନିଜ ବାସଭବନ ଏବଂ ନିର୍ବାଚନ ମଣ୍ଡଳୀରେ ଜନଶୁଣାଣି କରି ସାଧାରଣ ଜନତାଙ୍କ ସମସ୍ୟା ସମାଧାନ କରୁଥିବା ଦେଖିବାକୁ ମିଳୁଛି | ହେଲେ କିଛି ପଦପଦଵୀଧାରୀ ଏସବୁରେ ବ୍ୟତିକ୍ରମ କରୁଥିବା ନଜର ଆସୁଛି, ଉଦାହରଣ ସ୍ୱରୂପ ରାଜ୍ୟ ଖାଦ୍ୟ କମିଶନ ଅଧକ୍ଷ ଅବନୀକାନ୍ତ ସାହୁ ଆଜି(୨୬-୧୧) ତିର୍ତ୍ତୋଲ ବ୍ଲକ କାର୍ଯ୍ୟାଳୟରେ ଏକ ସମୀକ୍ଷା ବୈଠକ ସହିତ କ୍ଷେତ୍ର ପରିଦର୍ଶନ ବ୍ୟବସ୍ଥା ଥିବା ବେଳେ, ଅଧକ୍ଷ ଶ୍ରୀ ସାହୁ ତରଜଙ୍ଗା ପଞ୍ଚାୟତ ଅଧୀନ ବଫାପୁର ଅଙ୍ଗନୱାଡି କେନ୍ଦ୍ର ପରିଦର୍ଶନ କରି ବ୍ଲକ କାର୍ଯ୍ୟାଳୟରେ ଭୋଜନ ସାରି ଫେରିଯାଇଥିଲେ | ଅପରାହ୍ନ ୩ ଟା ରେ ସମୀକ୍ଷା ବୈଠକ ସମୟ ଧାର୍ଯ୍ୟ ହୋଇଥିବା ବେଳେ ୩:୧୫ ରେ ବ୍ଲକ କାର୍ଯ୍ୟାଳୟରୁ ବାହାରିବା ସମୟରେ ସାମ୍ବାଦିକ ମାନେ ରାଜ୍ୟ ଖାଦ୍ୟ କମିଶନ ଅଧକ୍ଷଙ୍କୁ ଅଟକାଇ ସମୀକ୍ଷା ବୈଠକ ବିଷୟରେ ପଚାରିବା ସମୟରେ କିଛି ଉତ୍ତର ଦେଇ ନପାରି ଅଧକ୍ଷ ମହାଶୟ ତିର୍ତ୍ତୋଲ ବିଡ଼ିଓ ଙ୍କୁ ଡାକିଥିଲେ | ବିଡ଼ିଓ ଶ୍ରୀ ଗିରିଜା ଶଙ୍କର ମଲ୍ଲିକ ରାଜ୍ୟ ଖାଦ୍ୟ କମିଶନ ଅଧକ୍ଷଙ୍କ ଦୋଷ ଦୁର୍ବଳତା କୁ ଘୋଡାଇବା ପାଇଁ ସାମ୍ବାଦିକ ମାନଙ୍କୁ ଓଲଟା ପ୍ରଶ୍ନ କରିଥିଲେ ସବୁ କଥା କଣ ସାମ୍ବାଦିକ ମାନଙ୍କୁ ଜଣେଇକି କରାହେବ କି? ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗରୁ ସୂଚନା ପାଇ ଖବର ସଂଗ୍ରହ ପାଇ ଯାଇଥିବା ସାମ୍ବାଦିକ ମାନଙ୍କ ପ୍ରତି ବିଡ଼ିଓ ମହାଶୟଙ୍କର ଏହା କେଉଁ ପ୍ରକାର ବ୍ୟବହାର ତାହା ବୁଝିହେଉନାହିଁ ? କାହା ଅଭୟବର ପାଇ ଧାରା କୁ ସରା ମାନୁଛନ୍ତି ବିଡ଼ିଓ ମହାଶୟ? ଅନ୍ୟପକ୍ଷରେ ଏହା ଏକପ୍ରକାର ରାଜ୍ୟ ସରକାର ଏବଂ ସାଧାରଣ ଜନତାଙ୍କୁ ଅନ୍ଧାରରେ ରଖିବା ପାଇଁ ଏକ ଛୋଟ ପ୍ରୟାସ ସଦୃଶ | ରାଜ୍ୟ ଖାଦ୍ୟ କମିଶନ ଅଧକ୍ଷଙ୍କ ଗ୍ରସ୍ତକୁ ଲୋକଲୋଚନକୁ ନଆଣିବାର ଉଦ୍ଦେଶ୍ୟ କଣ ତାହା ତଦନ୍ତ ସାପେକ୍ଷ, ଏଭଳି ସମ୍ବେଦନଶୀଳ ଘଟଣା ଉପରେ ଜିଲ୍ଲାପ୍ରଶାସନ ଏବଂ ରାଜ୍ୟସରକାର ଦୃଷ୍ଟି ଦେବାର ଆବଶ୍ୟକତା ରହିଛି |
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق