ଦିଲ୍ଲୀରେ କମୁନି ପ୍ରଦୂଷଣ, ଅଧା କର୍ମଚାରୀରେ ଚାଲିବ କାର୍ଯ୍ୟାଳୟ
ନୂଆଦିଲ୍ଲୀ, : ଦିଲ୍ଲୀରେ ବଢୁଥିବା ପ୍ରଦୂଷଣ ଯୋଗୁଁ ଦିଲ୍ଲୀ ସରକାର ସମସ୍ତ କାର୍ଯ୍ୟାଳୟ ଓ ଘରୋଇ କାର୍ଯ୍ୟାଳୟ ୫୦ ପ୍ରତିଶତ କର୍ମଚାରୀଙ୍କ ସହିତ କାମ କରିବାକୁ ନିର୍ଦ୍ଦେଶ ଦେଇଛନ୍ତି। ସୋମବାର ଜାରି ଏକ ନିର୍ଦ୍ଦେଶ ଅନୁସାରେ ବାକି କର୍ମଚାରୀ ଘରୁ କାମ କରିବେ। ଏହି ନିର୍ଦ୍ଦେଶ ପରିବେଶ ବିଭାଗ ତରଫରୁ ପରିବେଶ ସଂରକ୍ଷଣ ଅଧିନିୟମ ୧୯୮୬ ଧାରା-୫ ଅନୁସାରେ ରାଜଧାନୀରେ ପରିଚାଳିତ ଦିଲ୍ଲୀ ସରକାରଙ୍କ କାର୍ଯ୍ୟାଳୟ ଗୁଡିକ ଏବଂ ଘରୋଇ କାର୍ଯ୍ୟାଳୟରେ ଜାରି କରାଯାଇଛି। ଦିଲ୍ଲୀରେ ସମସ୍ତ ଘରୋଇ କାର୍ଯ୍ୟାଳୟଗୁଡିକରେ ମଧ୍ୟ ଏହି ନିର୍ଦ୍ଦେଶ ଲାଗୁ ହେବ। ୫୦ ପ୍ରତିଶତ କର୍ମଚାରୀ ୱର୍କ ଫ୍ରମ୍ ହୋମ୍ କରିବେ। ସୋମବାର ସକାଳ ପର୍ଯ୍ୟନ୍ତ ଦିଲ୍ଲୀରେ ଏକ୍ୟୁଆଇ ୩୯୬ ପଏଣ୍ଟରେ ଥିଲା। ଅର୍ଥାତ୍ ଆଗାମୀ କିଛି ଦିନ ପର୍ଯ୍ୟନ୍ତ ଏଥିରେ ସୁଧାର ଆସିବା ସମ୍ଭାବନା ନାହିଁ।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق