ବୃତ୍ତଙ୍ଗ ନଦୀରେ ବୁଲୁଚି କୁମ୍ଭୀର, ଗ୍ରାମବାସୀଙ୍କୁ ସଚେତନ କଲେ ରେଞ୍ଜର
ଗଣିଆ ୨୮/୦୮(ମଣିଭଦ୍ରା ଖବର) ଗଣିଆ ବ୍ଳକ ଛାମୁଣ୍ଡିଆ ଠାରେ ଥିବା ବୃତ୍ତଙ୍ଗ ନଦୀରେ କୁମ୍ଭୀର ଆତଙ୍କ ଦେଖାଦେଇଥିବା ବେଳେ ଗ୍ରାମବାସୀ ଭୟଭୀତ ଅବସ୍ଥାରେ ଅଛନ୍ତି । ମହାନଦୀରେ ଜଳସ୍ତର ବୃଦ୍ଧି ପାଇଥିବା ବେଳେ ମହାନଦୀରୁ ଏକ କୁମ୍ଭୀର ବୃତ୍ତଙ୍ଗ ନଦୀକୁ ଚାଲିଆସିଥିବା ଗ୍ରାମବାସୀ ଦେଖିବାକୁ ପାଇଥିଲେ । ଏ ନେଇ ଛାମୁଣ୍ଡିଆ ରେଞ୍ଜର ଲକ୍ଷ୍ମୀନାରାୟଣ ପଣ୍ଡା ଖବର ପାଇ କୁମ୍ଭୀରଖଣି ଠାରେ ଥିବା ବ୍ରିଜ ଉପରେ ରହି ତଦାରଖ କରିଥିଲେ । ଗ୍ରାମବାସୀଙ୍କୁ ସଚେତନ କରିବା ସହିତ ନଦୀ ଭିତରକୁ ନଯିବାକୁ ପରାମର୍ଶ ଦେଇଛନ୍ତି । ଗୋଳି ପାଣି ଯୋଗୁଁ କୁମ୍ଭୀରଟି ଆସିଥିବାରୁ ଭୟଭୀତ ନହେବାକୁ ସେ ଗ୍ରାମବାସୀଙ୍କୁ ସୂଚନା ପ୍ରଦାନ କରିଛନ୍ତି । ଯଦି କେହି ବି କୁମ୍ଭୀରଟିକୁ ଦେଖନ୍ତି ତେବେ ତୁରନ୍ତ ବିଭାଗକୁ ଜଣାଇବାକୁ ରେଞ୍ଜର ଅନୁରୋଧ କରିଛନ୍ତି ।
ମଣିଭଦ୍ରା ଖବର, ଗଣିଆ
إرسال تعليق