ଗଣିଆ ଥାନାରେ ଦଶହରା ପୂଜା କମିଟିକୁ ନେଇ ପ୍ରସ୍ତୁତି ବୈଠକ
ଗଣିଆ (ମଣିଭଦ୍ରା ଖବର) ଗଣିଆ ଥାନା ପରିସରରେ ବିଭିନ୍ନ ପୂଜା କମିଟିକୁ ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଗଣିଆ ଥାନା ଅଧିକାରୀ ଲକ୍ଷ୍ମଣ ଦଣ୍ଡସେନା,ଏସଆଇ ମିହିର ରଞ୍ଜନ ମିଶ୍ର, ଏଏସଆଇ ମନୋରଞ୍ଜନ ପ୍ରଧାନ,ଗଣିଆ ବଜାର କମିଟି ଉପସଭାପତି କୁଳମଣି ସାହୁ, ସମ୍ପାଦକ ପ୍ରଭାତ କୁମାର ଦାଶଙ୍କ ସମେତ ବିଭିନ୍ନ ପୂଜା କମିଟିର କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।
ଶାନ୍ତି ଶୃଙ୍ଖଳାର ସହିତ ପୂଜା ସମାପନ କରିବାକୁ ଥାନା ଅଧିକାରୀ ସମସ୍ତଙ୍କୁ ଜଣାଇଥିଲେ । କାହାଠାରୁ ଜୋର୍ ଜବରଦସ୍ତ ଚାନ୍ଦା ଆଦାୟ ନକରିବା, ସର୍ବସାଧାରଣ ସ୍ଥାନକୁ ଅବରୋଧ ନକରିବା,ଡିଜେକୁ ସଂପୂର୍ଣ୍ଣ ରୂପେ ବ୍ୟାନ କରିବା,ଗଣ୍ଡଗୋଳ ନକରିବାକୁ ପରାମର୍ଶ ଦେଇଥିଲେ । ବିଭିନ୍ନ ପୂଜା ମଣ୍ଡପରେ ବିସର୍ଜନ ଆସନ୍ତା ୧୪ ତାରିଖରେ ଅନୁଷ୍ଠିତ ହେବାକୁ ଥିବା ବେଳେ ଶାନ୍ତିଶୃଙ୍ଖଳାର ସହିତ ବିସର୍ଜନ ସାରିବାକୁ ଥାନା ଅଧିକାରୀ ପ୍ରକାଶ କରିଥିଲେ ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق