କେଶବ ସାରଙ୍କୁ ମିଳିଲା ରାଷ୍ଟ୍ର ନିର୍ମାତା ସମ୍ମାନ
ଗଣିଆ (ମଣିଭଦ୍ରା ଖବର)ନୟାଗଡ଼ ରୋଟାରୀ କ୍ଳବ୍ ତରଫରୁ ନୟାଗଡ ଜିଲ୍ଲାର ୮ଟି ବ୍ଳକର ଜଣେ ଜଣେ ଶିକ୍ଷକଙ୍କୁ ରାଷ୍ଟ୍ର ନିର୍ମାତା ସମ୍ମାନରେ ସମ୍ମାନୀତ କରାଯାଇଥିବା ଜଣାପଡ଼ିଛି । ଏହି ଅବସରରେ ଗଣିଆ ବ୍ଳକ ପତୁରିଆ ଉ.ପ୍ରା ବିଦ୍ୟାଳୟର ଶିକ୍ଷକ କେଶବ ଚନ୍ଦ୍ର ନାୟକଙ୍କୁ ଏହି ସମ୍ମାନ ପ୍ରଦାନ କରାଯାଇଛି ।
ରୋଟାରୀ କ୍ଳବ୍ ସଭାପତି ଶ୍ରୀକାନ୍ତ ଖଟେଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ଉତ୍ସବରେ ମୁଖ୍ୟଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ,ନୟାଗଡ଼ ପୈାରାଧ୍ୟକ୍ଷା ନିରୁପମା ଖଟେଇ, ଜିଲ୍ଲା ଶିକ୍ଷା ଅଧିକାରୀଣୀ ରାଜଶ୍ରୀ ପଟ୍ଟନାୟକ ଉପସ୍ଥିତ ଥିଲେ । ଶିକ୍ଷକ ଶ୍ରୀ ନାୟକ ଜଣେ ଉତ୍ତମ ଶିକ୍ଷକ ସହିତ କଳା, ସାହିତ୍ୟ ଏବଂ ଜଣେ କବି ଭାବରେ ବେଶ୍ ପରିଚିତ । ଏହି ପୁରସ୍କାର ପାଇବା ପରେ ସେ ଅତ୍ୟନ୍ତ ଖୁସି ବ୍ୟକ୍ତ କରିବା ସହିତ ବିଭାଗୀୟ ଅଧିକାରୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق