ମା ମଙ୍ଗଳା କ୍ରିକେଟ ଟୁର୍ଣ୍ଣାମେଣ୍ଟ, ଫାଇନାଲରେ କୁମ୍ଭାରପଡ଼ାକୁ ଭେଟିବ ଢୋଲମରା
ଗଣିଆ (ମଣିଭଦ୍ରା ଖବର) ଗଣିଆ ବ୍ଲକର ଧୁଆଁମଡା ଖେଳପଡିଆରେ ଚାଲିଥିବା ମା ମଙ୍ଗଳା କ୍ରିକେଟ ଟୁର୍ଣ୍ଣାମେଣ୍ଟର ଦ୍ବିତୀୟ ସେମିଫାଇନାଲ ମ୍ୟାଚରେ ପରସ୍ପରକୁ ଭେଟିଥିଲେ କୁମ୍ଭାରପଡା ବନାମ ଧୂଆଁମଡା । ଧୂଆଁମଡା ଟସ୍ ଜିତି ପ୍ରଥମେ ବୋଲିଙ୍ଗ କରିଥିଲା । ୧୫ ଓଭରରେ ତାଙ୍କ ଦଳ ୧୩୮ ରନ୍ ସଂଗ୍ରହ କରିଥିଲେ । ଜବାବରେ ଧୂଆଁମଡା ୧୩୩ ରନ୍ କରି ଟୁର୍ଣ୍ଣାମେଣ୍ଟରୁ ବିଦାୟ ନେଇଥିବା ବେଳେ କୁମ୍ଭାରପଡ଼ା ଫାଇନାଲରେ ପ୍ରବେଶ କରିଛି । ଆଜିର ମ୍ୟାଚରେ ମୁଖ୍ୟ ଅତିଥି ଭାବେ ପୂର୍ବତନ ବ୍ଳକ ଅଧ୍ୟକ୍ଷ ଶେଷଦେବ ସ୍ବାଇଁ ଯୋଗ ଦେଇଥିବା ବେଳେ ଅନ୍ୟ ମାନଙ୍କ ମଧ୍ୟରେ ପୂର୍ବତନ ଗ୍ରାମ ସଭାପତି ମାୟାଧର ଦାସ , ମାୟାଧର ସାହୁ, ପୂର୍ବତନ ସମିତି ସଭ୍ୟ ଚନ୍ଦ୍ରଶେଖର ସାହୁ ପ୍ରମୁଖ ଉପସ୍ଥିତ ଥିଲେ । ଆଜିର ମ୍ୟାଚ ପରିଚାଳନା କରିଥିଲେ ସନ୍ତୋଷ ମହାରଣା, ଗୁରୁଚରଣ ସାହୁ । ଆସନ୍ତା ୨୪ ତାରିଖରେ ଫାଇନାଲରେ ପରସ୍ପରକୁ ଭେଟିବେ କୁମ୍ଭାରପଡ଼ା ବନାମ ଢୋଲମରା । ଫାଇନାଲରେ ମୁଖ୍ୟ ଅତିଥି ଭାବେ ବିଧାୟକ ରମେଶ ଚନ୍ଦ୍ର ବେହେରା ଯୋଗ ଦେବେ ବୋଲି ଆୟୋଜକଙ୍କ ତରଫରୁ ଜଣାପଡିଛି ।
ରିପୋର୍ଟ ପଙ୍କଜ କୁମାର ସାହୁ, ମଣିଭଦ୍ରା ଖବର
إرسال تعليق