ଗଣିଆ (ମଣିଭଦ୍ରା ଖବର ) ଗଣିଆ ଥାନା ବେଲପଡା ପାଟଣା ପଂଚାୟତସ୍ଥିତ ବେଲପଡା ଗ୍ରାମରେ ଜଣେ ମହିଳା ଆତ୍ମହତ୍ୟା କରିଥିବା ଜଣାପଡିଛି । ତାଙ୍କୁ ଗଣିଆ ମେଡ଼ିକାଲକୁ ଅଣାଯିବା ପରେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମୃତ ମହିଳା ଜଣକ ବେଲପଡାପାଟଣା ଗ୍ରାମର ରାଜନ କୁମାର ସାହୁଙ୍କ ସ୍ତ୍ରୀ ସୋନାଲି ସାହୁ । ଘଟଣାରୁ ଜଣାପଡିଛି ଯେ ଦଶପଲ୍ଲା ସ୍ଥିତ ସନ୍ତୋଷ କୁମାର ସାହୁଙ୍କ ଝିଅ ସୋନାଲି ସାହୁ ଗଣିଆ ଥାନା ଅନ୍ତର୍ଗତ ବେଲପଡାଗ୍ରାମର ରାଜନ କୁମାର ସାହୁଙ୍କୁ ସାତ ବର୍ଷ ପୂର୍ବରୁ ବୈଦିକ ରୀତିରେ ବିବାହ କରିଥିଲେ ! ତାଙ୍କର ପାଞ୍ଚ ବର୍ଷ ଓ ଆଠ ମାସର ଦୁଇଟି ପୁତ୍ର ସନ୍ତାନ ଅଛନ୍ତି ! କିନ୍ତୁ ଦୀର୍ଘ ଦିନ ଧରି ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ କଳହ ଲାଗି ରହିଥିଲା ! ଯାହାର ପରିମାଣ ସୁରୂପ ଅକାଳରେ ଚାଲିଗଲା ଏଇ ନିରୀହ ଜୀବନ ! ଗୁରୁବାର ଭୋର ସମୟରେ ସୋନାଲିକୁ ସ୍ୱାମୀ ରାଜନ ମାରି ଦଉଡ଼ିରେ ଟାଙ୍ଗି ଦେଇଥିବା ଅଭିଯୋଗ କରିଥିଲେ ଝିଅର ମା ସସ୍ମିତା! ସୋନାଲିକୁ ଗଣିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଆଣଯାଇଥିଲା ! ସେଠାରେ ଡାକ୍ତର ମଧୁସୂଦନ ଦାସ ସୋନାଲିଙ୍କୁ ମୃତ ଘୋଷଣା କରିଥିଲେ ! ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଥାନାକୁ ଅବଗତ କରାଇବା ପରେ ଘଟଣା ସ୍ଥଳରେ ପୋଲିସ ପହଂଚି ସ୍ୱାମୀ ରାଜନ କୁମାର ସାହୁଙ୍କୁ ଥାନାରେ ଅଟକ ପଚରା ଉଚରା କରୁଥିବା ବେଳେ ଶବକୁ ଜବତ କରିବା ସହିତ ଅଧିକ ତଦନ୍ତ ଜାରିରଖିଛି ! ତେବେ ସ୍ବାମୀ ଓ ସ୍ତ୍ରୀ ମଧ୍ୟରେ କୈାଣସି ଝଗଡା ହୋଇନଥିବା ବେଳେ ସାମାନ୍ୟ କଥାରେ ରାଗିଯାଇ ସେ ଲଗାଇ ଦେଇଛି ବୋଲି ମୃତ ସୋନାଲିଙ୍କ ସ୍ବାମୀ ରାଜନ ପ୍ରକାଶ କରିଛନ୍ତି । ତେବେ ତଦନ୍ତ ପରେ ପ୍ରକୃତ ରହସ୍ୟ ଜଣାପଡିବ ବୋଲି ଥାନା ଅଧିକାରୀ ବିମଳ କୁମାର ମଲ୍ଲିକ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق