ବନ୍ୟା ଘେରରେ ଥିବାରୁ ବ୍ଳକର ୧୧ଟି ବିଦ୍ୟାଳୟକୁ ଛୁଟି ଘୋଷଣା କଲେ ଜିଲ୍ଲା ଶିକ୍ଷା ଅଧିକାରୀ
ଗଣିଆ (ମଣିଭଦ୍ରା ଖବର) ଗଣିଆ ବ୍ଲକର ୫ଟି ପଞ୍ଚାୟତର ୪୧ଟି ଗ୍ରାମ ଗତ ୩ ଦିନ ହେବ ଜଳବନ୍ଦୀ ଅବସ୍ଥାରେ ଅଛନ୍ତି । ଉପରୋକ୍ତ ଗ୍ରାମ ଗୁଡ଼ିକୁ ଯୋଗାଯୋଗ ବିଛିନ୍ନ ହୋଇପଡ଼ିଛି । ତେବେ ମଙ୍ଗଳବାର ବ୍ଳକର ୧୧ଟି ବିଦ୍ୟାଳୟକୁ ଛୁଟି ଘୋଷଣା କରିଛନ୍ତି ଜିଲ୍ଲା ଶିକ୍ଷା ଅଧିକାରୀ ଅକ୍ରୁର ବାରିକ । ବ୍ଳକର ପଥୁରିଆ,କାଳିଆପଡା,ଓ୍ବାଲିପୁର,ରାସଙ୍ଗ ପ୍ରାଥମିକ ବିଦ୍ୟାଳୟ,ମାଳତିପୁଟ,ରାଉତପଡା, ମାଳିସାହି ପ୍ରାଥମିକ ବିଦ୍ୟାଳୟ,କେନ୍ଦୁପଲ୍ଲୀ ପ୍ରାଥମିକ ବିଦ୍ୟାଳୟ, ଡଙ୍କାରିସାହି ପ୍ରାଥମିକ ବିଦ୍ୟାଳୟ, କାଦୁଆ ହଟିଆପଲ୍ଲୀ ପ୍ରାଥମିକ ବିଦ୍ୟାଳୟ ଏବଂ ରାମଚନ୍ଦ୍ର ପ୍ରାଣବନ୍ଧୁ ଉଚ୍ଚ ବିଦ୍ୟାଳୟ ରାସଙ୍ଗକୁ କେବଳ ୧୬ ତାରିଖ ପାଇଁ ଛୁଟି ଘୋଷଣା କରାଯାଇଛି । ବିଦ୍ୟାଳୟ ଛୁଟି ହେଲେ ମଧ୍ୟ ଶିକ୍ଷକ ମାନେ ଆଲର୍ଟ ରହିବେ ନିର୍ଦ୍ଦେଶ ଦିଆଯାଇଛି । ଆବଶ୍ୟକ ସ୍ଥଳେ ସ୍ଥିତି ଅନୁଧ୍ୟାନ କରି ବ୍ଳକ ଶିକ୍ଷା ଅଧିକାରୀ ବନ୍ୟା ପ୍ରଭାବିତ ଅନ୍ୟ ବିଦ୍ୟାଳୟକୁ ମଧ୍ୟ ଛୁଟି ଘୋଷଣା କରିପାରିବେ ବୋଲି ଚିଠିରେ ଉଲ୍ଲେଖ କରାଯାଇଛି ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق