ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ୩୩ତମ ପ୍ରତିଷ୍ଠା ଦିବସ ପାଳିତ
ଗଣିଆ (ମଣିଭଦ୍ରା ଖବର) ଗଣିଆରେ ଥିବା ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ୩୩ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ୧୯୮୯ ମସିହା ଜୁଲାଇ ମାସ ୬ ତାରିଖରେ ଉକ୍ତ ବିଦ୍ୟାଳୟକୁ ପ୍ରତିଷ୍ଠା କରିଥିଲେ ସମାଜସେବୀ, ଶିକ୍ଷାବିତ ତଥା ମାତୃପ୍ରେମୀ ସ୍ବର୍ଗତ ପରୀକ୍ଷିତ ପଟ୍ଟନାୟକ । ଆଜି ବିଦ୍ୟାଳୟର ପ୍ରତିଷ୍ଠା ଦିବସ ଅବସରରେ ଛାତ୍ର ଛାତ୍ରୀ ଗ୍ରାମ ପରିକ୍ରମା କରିଥିଲେ । ଶ୍ରୀଅରବିନ୍ଦ ସମାଧି ମନ୍ଦିରକୁ ଯାଇ ସେଠାରେ ସମାଧି ଦର୍ଶନ କରିଥିଲେ । ବିଦ୍ୟାଳୟ ପରିସରରେ ସମବେତ ଧ୍ୟାନ,ଦୁର୍ଗାସ୍ତୋତ୍ର,ମା ବହି ପଠନ କରାଯାଇଥିଲା । ବିଦ୍ୟାଳୟର ଅଧ୍ୟକ୍ଷ ଦେବୀ ପ୍ରସାଦ ଦାଶ ଛାତ୍ର ଛାତ୍ରୀ ମାନଙ୍କୁ ବିଦ୍ୟାଳୟ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ନନ୍ଦିନୀ ଗୁରୁ, ରାଧାକାନ୍ତ ସାହୁ, ସୁଜାତା ବେହେରା, ଧରିତ୍ରୀ ପ୍ରଧାନ,ମମି ମହାରଣା, ଶିବାନୀ ପ୍ରଧାନ, ସଂଯୁକ୍ତା ମହାପାତ୍ର,ମାମି ମହାରଣା ପ୍ରମୁଖ ଉପସ୍ଥିତ ଥିଲେ ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق