ଜନ-ଗଣ-ମନ' ପୂର୍ବରୁ 'ବନ୍ଦେ ମାତରମ୍' ଗାଇବା ବାଧ୍ୟତା ମୂଳକ

 'ଜନ-ଗଣ-ମନ' ପୂର୍ବରୁ 'ବନ୍ଦେ ମାତରମ୍' ଗାଇବା ବାଧ୍ୟତା ମୂଳକ

ସମସ୍ତ ସରକାରୀ କାର୍ଯ୍ୟକ୍ରମ ଏବଂ ବିଦ୍ୟାଳୟରେ ଜାତୀୟ ସଙ୍ଗୀତ ଗାନ ପୂର୍ବରୁ ଜାତୀୟ ଗୀତ ଗାନ କରାଯିବ । କେନ୍ଦ୍ର ସରକାର ଜାତୀୟ ସଙ୍ଗୀତ 'ଜନ-ଗଣ-ମନ' ପୂର୍ବରୁ ଜାତୀୟ ଗୀତ 'ବନ୍ଦେ ମାତରମ୍' ଗାଇବା ବାଧ୍ୟତା ମୂଳକ କରିଛନ୍ତି ।  ଏ ନେଇ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।

କେନ୍ଦ୍ର ମନ୍ତ୍ରଣାଳୟ ବନ୍ଦେ ମାତରମର ସମସ୍ତ ୬ଟି ପାରା ଗାନ କରିବାକୁ ବାଧ୍ୟତାମୂଳକ କରିଛି । ଯାହାକି ୩ ମିନିଟ୍ ୧୦ ସେକେଣ୍ଡରେ ଗାନ କରାଯିବ । ପୂର୍ବରୁ ୪ଟି ପାରା ରହିଥିଲା ଏବଂ ଅନ୍ୟ ଦୁଇଟି ପାରାକୁ ୧୯୩୭ ମସିହାରେ କଂଗ୍ରେସ ହଟାଇ ଦେଇଥିଲା । ଜାତୀୟ ସଙ୍ଗୀତ ଭଳି ଜାତୀୟ ଗୀତରେ ମଧ୍ୟ ନିୟମ ରଖାଯାଇଛି ।

ବନ୍ଦେ ମାତରମ୍ ଗାନ ବେଳେ ସମସ୍ତେ ଛିଡ଼ା ହେବା ବାଧ୍ୟତା ମୂଳକ ।ସିନେମା ହଲ୍ ଭଳି ସାର୍ବଜନୀନ ସ୍ଥାନରେ ମଧ୍ୟ ବାଜି ପାରିବ । କିନ୍ତୁ ଠିଆ ହେବା ବାଧ୍ୟତାମୂଳକ ନୁହେଁ ।

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା