ସାମାଜିକ କର୍ମୀଙ୍କ ପରଲୋକ
ଗଣିଆ (ମଣିଭଦ୍ରା ଖବର) ଗଣିଆ ବ୍ଲକ ଛାମୁଣ୍ଡିଆ ପଞ୍ଚାୟତର ସାମାଜିକ କର୍ମୀଙ୍କ ବାଙ୍ଗାଲୋର ସ୍ଥିତ ଏକ ଘରୋଇ ଚିକିତ୍ସାଳୟରେ ମୃତ୍ୟୁ ଘଟିଥିବା ଜଣାପଡିଛି । ମୃତକ ଦଶପଲ୍ଲା ଗଡଜାତ ପଞ୍ଚୁପଲ୍ଲୀ ପ୍ରଗଣା କୁଞ୍ଜ ସର୍ଦାରଙ୍କ କନିଷ୍ଠ ପୁତ୍ର ତଥା ଅଂଚଳର ବିଶିଷ୍ଟ ସମାଜ ସେବୀ ସ୍ବର୍ଗତ ଉପେନ୍ଦ୍ର ନାଥ ସାହୁ କନିଷ୍ଠ ଭ୍ରାତା ସୁରେଶ ଚନ୍ଦ୍ର ସାହୁ ( ୮୧) ମୃତ୍ୟୁ ହୃଦଘାତରେ ହୋଇଥିବା ପରିବାର ଲୋକେ ପ୍ରକାଶ କରିଛନ୍ତି। ସେ ଛାମୁଣ୍ଡିଆ ଗ୍ରାମର ସଭାପତି ଭାବେ ବହୁଦିନ ଧରି ନିରପେକ୍ଷ ଭାବେ କାର୍ଯ୍ୟ ତୁଲାଇଥିଲେ । ଏଥିସହିତ ସେ ଜଣେ ଉଚ୍ଚ ଶିକ୍ଷିତ ଭାବେ ସ୍ନାତକ କଳା ଓ ଆଇନ ବିଭାଗ ରେ ଉଚ୍ଚ ଶିକ୍ଷା ଲାଭ କରିଥିଲେ । ଜଣେ ସାମାଜିକ କର୍ମୀ ଭାବରେ ସେ ନିଜକୁ ନିୟୋଜିତ କରିଥିଲେ । ତାଙ୍କର ମର ଶରୀରକୁ ନିଜ ମାଟି ଛାମୁଣ୍ଡିଆ ଗ୍ରାମକୁ ଅଣାଯାଇଥିଲା । ପରେ ତାଙ୍କୁ ଶୋଭାଯାତ୍ରା ରେ ଗ୍ରାମ ପରିକ୍ରମା କରାଯାଇ ଶବ ସତ୍କାର କରାଯାଇଥିଲା । ତାଙ୍କର ଅନନ୍ୟ ପ୍ରତିଭାକୁ ମନେ ପକାଇ ଅଞ୍ଚଳ ବାସୀ ଶୋକ ପ୍ରକାଶ କରିବା ସହିତ ଅମର ଆତ୍ମାର ସଦଗତି କାମନା କରିଛନ୍ତି ।
ମଣିଭଦ୍ରା ଖବର, ଗଣିଆ
إرسال تعليق