ଡି ଏ ଭି ପବ୍ଲିକ ସ୍କୁଲ ବ୍ରହ୍ମପୁର ର ‘ଆକ୍ସନ୍ ଅନ୍ କ୍ଲାଇମେଟ୍ ଚେଞ୍ଜ’ ସଚେତନତା କାର୍ଯ୍ୟକ୍ରମ୍
ବ୍ରହ୍ମପୁର , ଡି ଏ ଭି ପବ୍ଲିକ ସ୍କୁଲ ବ୍ରହ୍ମପୁର ଛାତ୍ରଛାତ୍ରୀମାନେ ଗ୍ଲୋବାଲ୍ ୱର୍ମିଙ୍ଗ୍ ଓ କ୍ଲାଇମେଟ୍ ଚେଞ୍ଜକୁ ମନେ ରଖି “ଆକ୍ସନ୍ ଅନ୍ କ୍ଲାଇମେଟ୍ ଚେଞ୍ଜ” କାର୍ଯ୍ୟକ୍ରମ ଆରମ୍ଭ କରିଛନ୍ତି। ପ୍ରଥମେ ଗାଇଡ୍ କ୍ୟାପ୍ଟେନ୍ ମିସ୍ ସ୍ୱପ୍ନା ପାଣିଗ୍ରାହୀ ସ୍କାଉଟ୍ ଓ ଗାଇଡ୍ ସଭ୍ୟମାନଙ୍କୁ ଗ୍ରୀନହାଉସ୍ ପ୍ରଭାବ ବିଷୟରେ ଶିକ୍ଷା ପ୍ରଦାନ କରିଥିଲେ । ପରେ ପ୍ରଶିକ୍ଷିତ ସ୍କାଉଟ୍ ଓ ଗାଇଡ୍ମାନେ ଶ୍ରେଣୀ ଷଷ୍ଠ ରୁ ଦଶମ ପର୍ଯ୍ୟନ୍ତ ପ୍ରତ୍ୟେକ କ୍ଲାସ୍କୁ ଯାଇ ଏହି ଜ୍ଞାନ ପ୍ରସାର କରିଲେ। ସ୍କୁଲ ପ୍ରଦର୍ଶନୀ ରେ ପିଲାମାନଙ୍କ ଦ୍ୱାରା ଗ୍ଲୋବାଲ୍ ୱର୍ମିଙ୍ଗ୍ର କାରଣ ଓ ପରିଣାମ ଦେଖାଇଥିବା ଦୁଇଟି ଆକର୍ଷଣୀୟ ମଡେଲ୍ ପ୍ରଦର୍ଶିତ କରାଯାଇଥିଲା । ଛାତ୍ରଛାତ୍ରୀମାନେ ମିନି କମ୍ପୋଷ୍ଟ ବୋତଲ ତିଆରି ପ୍ରକ୍ରିୟା ଓ ସୋଲାର୍ ଓଭେନ୍ର ବିଧାନ ଶିଖିଥିଲେ ।ଖେଳ-କଳା କାର୍ଯ୍ୟକ୍ରମ ମାଧ୍ୟମରେ ପରିବେଶ ସୁରକ୍ଷା ବିଷୟରେ ସେମାନଙ୍କ ଧାରଣାକୁ ଅଧିକ ମଜବୁତ କରାଯାଇଥିଲା।ସ୍କୁଲରେ ପରିବେଶ ସୁରକ୍ଷା ପାଇଁ ଶପଥ ନେବା ସହ ସ୍ଲୋଗାନ୍ ଓ ପ୍ଲାକାର୍ଡ ସହିତ ସେମାନେ ନିକଟସ୍ଥ ଗ୍ରାମରେ ସଚେତନତାର ସନ୍ଦେଶ ପ୍ରସାର କରିଥିଲେ। ଶେଷରେ ଅଧ୍ୟକ୍ଷା ଧାରାଶ୍ରୀ ପାଢ଼ୀ, ଗାଇଡ୍ ଶିକ୍ଷୟତ୍ରୀ ସ୍ୱପ୍ନା ରାଣୀ ପାଣିଗ୍ରାହୀ ଓ ସମୀର କୁମାର ପାଣିଗ୍ରାହୀଙ୍କ ସମ୍ମୁଖରେ ପିଲାମାନେ ନିଜ ସଫଳତା କାହାଣୀ ଉପସ୍ଥାପନ କରିଥିଲେ।
ଏହି ଉଦ୍ୟମକୁ ଅନେକ ବୁଦ୍ଧିଜୀବୀ ପ୍ରଶଂସା କରି ସମାଜକୁ ପରିବେଶ ସୁରକ୍ଷାରେ ଅଧିକ ସଚେତନ ହେବାକୁ ଆହ୍ୱାନ ଦେଇଛନ୍ତି।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق