ଜମନକିରା ବ୍ଲକ୍ ଅଞ୍ଚଳରେ ବାଲ୍ୟ ବିବାହ ମୁକ୍ତ ଭାରତ ମଶାଲ ଅଭିଯାନ ଅନୁଷ୍ଠିତ
ସମ୍ବଲପୁର:
ନୂଆଦିଲ୍ଲୀର 'ଜଷ୍ଟ ରାଇଟ ଫର ଚିଲଡ୍ରେନ' ସହାୟତାରେ ସମ୍ବଲପୁର ସମନ୍ମିତ ପ୍ରତିଷ୍ଠାନ, ଜମନକିରା, ସମ୍ବଲପୁର ଆନୁକୂଲ୍ୟରେ ଜମନକିରା ବ୍ଲକ ଅନ୍ତର୍ଗତ ଫାଶୀମାଲ, ଚକୁଳିଆ ଗ୍ରାମ ପଞ୍ଚଯାତର ବିଭିନ୍ନ ଗ୍ରାମ ଗୁଡିକରେ ବାଲ୍ୟ ବିବାହ ମୁକ୍ତ ଭାରତ ମଶାଲ ଅଭିଯାନ ଅନୁଷ୍ଠିତ ହୋଇଯାଇଛି। ଏହି ଅଭିଯାନରେ ସ୍କୁଲ ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ, ସ୍ୱୟଂ ସହାୟକ ଗୋଷ୍ଠୀ, ପଂଚାୟତରାଜ ସଭ୍ୟ ସଭ୍ୟା, ଆଇସିଡିଏସ କର୍ମଚାରୀ ଏବଂ ଗ୍ରାମବାସୀ ସକ୍ରିୟ ଅଂଶ ଗ୍ରହଣ କରିଥିଲେ। ବାଲ୍ୟ ବିବାହର କୁପରିଣାମ ସମ୍ବନ୍ଧରେ ସଚେତନ କରାଇବା, ପ୍ରତ୍ୟେକ ଶିଶୁ ଯେପରି ଉତ୍ତମ ଶିକ୍ଷା, ସ୍ୱାସ୍ଥ୍ୟ ଓ ସମସ୍ତ ପ୍ରକାରର ସୁରକ୍ଷା ନିରାପଦ ଏବଂ ବାଲ୍ୟବିବାହ ମୁକ୍ତ ପରିବେଶ ପାଇପାରିବେ। ଏଥିପାଇଁ ଗ୍ରାମବାସୀଙ୍କୁ ଏକତ୍ର ଭାବରେ ପ୍ରଚେଷ୍ଟା ବଳବତ୍ତର ରଖିବାକୁ ପଡିବା ହେଉଛି ଏହାର ମୂଳ ଲକ୍ଷ୍ୟ। ଏହି ପରିପ୍ରେକ୍ଷୀରେ ବାଲ୍ୟ ବିବାହ ପ୍ରତିରୋଧ ଶପଥ ପାଠ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା। ଏତଦ୍ ସହିତ ବାଲ୍ୟ ବିବାହ ମୁକ୍ତ ପଂଚାୟତ ଘୋଷଣା କରିବା ଏବଂ ସମସ୍ତ ଶିଶୁ ଯେପରି ସେମାନଙ୍କର ଅଧିକାରକୁ ପ୍ରାପ୍ତ କରିପାରିବେ, ସୁସ୍ଥ, ଶିକ୍ଷିତ ଓ ମୁକ୍ତ ଜୀବନ କାଟିବେ ଏହାହିଁ ଶହେ ଦିନିଆ ବାଲ୍ୟ ବିବାହ ମୁକ୍ତ ଭାରତ ଅଭିଯାନର ମୂଳ ଲକ୍ଷ୍ୟ ବୋଲି ଉପସ୍ଥିତ ସମସ୍ତଙ୍କୁ ସଚେତନ କରାଯାଇଥିଲା।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق