ହାଇୱା ଧକ୍କାରେ ଟ୍ରାକ୍ଟର୍ ଇଞ୍ଜିନ୍ ଦୁଇ ଫାଳ

 ହାଇୱା ଧକ୍କାରେ ଟ୍ରାକ୍ଟର୍ ଇଞ୍ଜିନ୍ ଦୁଇ ଫାଳ 

ବେଲଗୁଣ୍ଠା,ବେଲଗୁଣ୍ଠା ଥାନା ଅନ୍ତର୍ଗତ ଜିଲିବା ନିକଟରେ ଧାନମଳା ମେସିନ୍ ଲାଗିଥିବା ଏକ ଟ୍ରାକ୍ଟର୍ କୁ ଏକ ହାଇୱା ଧକ୍କା ଦେବା ଫଳରେ ଟ୍ରାକ୍ଟରର ଇଞ୍ଜିନ୍ ଦୁଇଫାଳ ହୋଇଯାଇଛି I ସୂଚନା ପ୍ରକାରେ ଜିଲିବା ଗ୍ରାମର ନିରଞ୍ଜନ ବିଷୋୟୀଙ୍କ ଧାନମଳା ମେସିନ୍ OD32A6559 ନମ୍ବର ବିଶିଷ୍ଟ ଟ୍ରାକ୍ଟର୍ ଯୋଗେ ବିଲକୁ ଧାନ ମଳିବା ପାଇଁ ଯାଉଥିଲା I ଏହି ସମୟରେ ବାଲିପଦର ପଟୁ ଗୋଡ଼ି ବୋଝେଇ ହୋଇ ରାଇକିଆ ଯାଉଥିବା OD32F3515 ନମ୍ବର ବିଶିଷ୍ଟ ହାଇୱା ପଛପଟୁ ଟ୍ରାକ୍ଟରରେ ଧକ୍କା ଦେଇଥିଲା I ହାଇୱା ମାଡ଼ରେ ଟ୍ରାକ୍ଟରଟିର ଇଞ୍ଜନ୍ ଦୁଇଫାଳ ହୋଇଯିବା ସହିତ ଟ୍ରାକ୍ଟର୍ ଚାଳକ ସାମାନ୍ୟ ଆହତ ହୋଇଛନ୍ତି I ଖବର ପାଇ ବେଲଗୁଣ୍ଠା ପୋଲିସ୍ ଘଟଣା ସ୍ଥଳରେ ପହଞ୍ଚି ଉଭୟ ଗାଡ଼ିକୁ ଜବତ କରି ଘଟଣାର ତଦନ୍ତ ଚଳାଇଛନ୍ତି I

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା