ବକବେଡା ବସୁଧା ପ୍ରକଳ୍ପ ପାଣିର ଅପେକ୍ଷା ରେ ଅଞ୍ଚଳ ବାସି

 **ବକବେଡା ବସୁଧା ପ୍ରକଳ୍ପ ପାଣିର ଅପେକ୍ଷା ରେ ଅଞ୍ଚଳ ବାସି** 

ଉପାନ୍ତ ରେ ବିକାଶ ବାଟବଣା

 ମ. ରାମପୁର ମ,ରାମପୁର ବ୍ଲକ ନୁନପୁର ଗ୍ରାମପଞ୍ଚାୟତ ର ପାହାଡ଼ ପର୍ବତ ଘେରା ଗାଁ ବକବେଡା ଗ୍ରାମରେ  ଚାଲିଥିବା ବସୁଧା ପ୍ରକଳ୍ପ ଆଜି ଯାଏ ତାର କାମ ସାରି ନାହିଁ। ସରକାରଙ୍କ ଜନକଲ୍ୟାଣ ଯୋଜନା ବସୁଧା ଯୋଜନା ଲୋକଙ୍କୁ କାମରେ କେବେ ଆସିବ ଲୋକେ ନେତା ମନ୍ତ୍ରୀ ପ୍ରଶାସନ ପାଖରେ ଜଣାଇଲେ କେହି ଶୁଣୁନାହାନ୍ତି। ଅଧାପନ୍ତରିଆ କାର୍ଯ୍ୟ କରୁଛି ଠିକା ସଂସ୍ଥା। ଆଉ କେତେ ବର୍ଷ ଲାଗିବ ପାଣି ଘରକୁ ଘର ପହଞ୍ଚିବା ପାଇଁ  କେଜାଣି ବିଭାଗୀୟ ଜଳ ଯୋଗାଣ ଅଧକାରୀ ଓ ଠିକାଦାର ଙ୍କ ମଧୁ ଚନ୍ଦ୍ରିକା ରେ କାର୍ଯ୍ୟ ଚାଲିଥିବା ଦେଖିବାକୁ ମିଳିଛି।  ବସୁଧା ଜଳ ଅପେକ୍ଷା ରେ ସମସ୍ତ ଅଞ୍ଚଳ ବାସି । ଠିକାଦାର ଓ ବିଭାଗୀୟ ଅଧିକାରୀ ଙ୍କ ମନମୁଖୀ ଶାସନରେ ଚାଲିଛି ବସୁଧା ପ୍ରକଳ୍ପ   ଘରକୁ ଘର ଲାଗିବାକୁ ଥିବା ଟାଙ୍କି କାମ ସରି ଗୋଟିଏ ବର୍ଷ ଉର୍ଦ୍ଧ ବିତିଗଲା ହେଲେ ପାଇପ ଲାଇନ  କାମ ଅଜି ଯାଏ ଆରମ୍ଭ ହୋଇନାହିଁ  l

 ନିୟମାନୁଯାୟୀ କାମ କରୁନାହିଁ ଠିକା ସଂସ୍ଥ ଏନେଇ ବହୁବାର ବିଭାଗୀୟ ଯନ୍ତ୍ରୀ ନେତା ମନ୍ତ୍ରୀ ମାନଙ୍କୁ ଜଣାଇଲେ କେହି ଶୁଣୁ ନାହାନ୍ତି l  ବିଗତ ସରକାର ବିଶୁଦ୍ଧ ପାନୀୟ ଜଳ  ଘରେ ଘରେ ପହଞ୍ଚିବା ପାଇଁ କୋଟି କୋଟି  ଟଙ୍କା ଉପାନ୍ତ ଅଞ୍ଚଳ ରେ ବ୍ୟୟ କରୁଥିବା ବେଳେ ଆଜି ତାହାର ଓଲଟା ଚିତ୍ର ଦେଖିବାକୁ ମିଳିଛି। ଠିକା ସଂସ୍ଥା ମନମୁଖୀ ଏବଂ ନିମ୍ନ ମାନର କାର୍ଯ୍ୟ ଯୋଗୁଁ ଲୋକେ ଅତିଷ୍ଠ।  ଏହି ବସୁଧା ଜଳ ପ୍ରକଳ୍ପର କାମ ଯଥାଶୀଘ୍ର ଆରମ୍ଭ କରି   ଲୋକ ମାନେ କିପରି ବିଶୁଦ୍ଧ ପାଣି ପାଇପାରିବେ ଏ ନେଇ ଗାଁ ଲୋକେ ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି।

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା