ନିଶାସକ୍ତ ସ୍ୱାମୀ ମାଡରେ ସ୍ତ୍ରୀର ମୃତ୍ୟୁ

 ନିଶାସକ୍ତ ସ୍ୱାମୀ ମାଡରେ ସ୍ତ୍ରୀର ମୃତ୍ୟୁ 

ନିଶା ପାଇଁ ସଂପର୍କରେ ଲାଗିଲା ରକ୍ତର ଛିଟା। ନିଶାସକ୍ତ ସ୍ୱାମୀର ଆକ୍ରମଣରେ ଲହୁଲୁହାଣ ହେଲା ସ୍ତ୍ରୀ। ରକ୍ତ ରଞ୍ଜିତ ହେଲା ଘର। ଚାଲିଗଲା ସ୍ତ୍ରୀର ଜୀବନ। ହତ୍ୟାକାରୀ ସାଜିଲା ସ୍ଵାମୀ। କୌଣସି ମହତ ରଖିଲାନି ସ୍ଵାମୀ ସ୍ତ୍ରୀର ସମ୍ପର୍କ। ନିଶା ପାଇଁ ଉଜୁଡ଼ି ଗଲା ଆଶା ଓ ବିଶ୍ୱାସର ସଂସାର। ଅନାଥ ହୋଇଗଲେ ଦୁଇ ନାବାଳକ ସନ୍ତାନ। ଏଭଳି ଏକ ଅପ୍ରୀତିକର ଘଟଣା ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲା ମୋରଡା ଥାନା ଅନ୍ତର୍ଗତ ପାଞ୍ଚଗୁଛିଆ ଗ୍ରାମରେ ।

 ନିଶାସକ୍ତ ସ୍ୱାମୀର ମାଡରେ ସ୍ତ୍ରୀର ମୃତ୍ୟୁ ହୋଇଯାଇଛି । ସୂଚନାଯୋଗ୍ୟ ଯେ ପାଞ୍ଚଗୁଛିଆ ଗ୍ରାମରେ ବେଆଇନ ଭାବେ ଅଧିକାଂଶ ଘରେ ବେଆଇନ ଭାବେ ଦେଶୀମଦ ବିକ୍ରି ହେଉଛି । ବେଆଇନ ମଦ ବନ୍ଦ ପାଇଁ ଗ୍ରାମବାସୀ ବାରମ୍ବାର ଅଭିଯୋଗ କରିଛନ୍ତି । ମଝିରେ ମଝିରେ ମଦ ବେପାରୀ ମାନେ ମଧ୍ୟ ଗିରଫ ହୋଇ ଜାମିନରେ ଆସି ପୁଣି ମଦ ବେପାର କରି ଆସୁଛନ୍ତି । ତେବେ  ଶଙ୍କର୍ଷଣ ଧଣିକ ମଦପିଇ ନିଶାସକ୍ତ ଅବସ୍ଥାରେ ଆସି ସ୍ତ୍ରୀ ରଇବାରୀ ଧଣିକ ସହିତ କୌଣସି କଥାକୁନେଇ ଯୁକ୍ତିତର୍କ ହୋଇଥିଲା । ଯୁକ୍ତିତର୍କ ବଢିବାରୁ ଶଙ୍କର୍ଷଣ ଏକ ବାଉଁଶ ବାଡିରେ ସ୍ତ୍ରୀ ରଇବାରୀକୁ ଏକ ବାଉଁଶ ଠେଙ୍ଗାରେ ମୁଣ୍ଡ ଓ ଦେହରେ ପିଟି ପିଟି ରକ୍ତାକ୍ତ କରିଥିଲେ । ତେବେ ଘରେ ଥିବା ନାବଳକ ପୁଅ ଭୟଭୀତ ଅବସ୍ଥାରେ ଥିଲା । ସକାଳୁ ପୋଡଶୀ ଲୋକେ ଖବରପାଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ହତ୍ୟାକାରୀ ସ୍ଵାମୀ ଶଙ୍କର୍ଷଣ ଧଣିକକୁ ଗିରଫ କରି ତଦନ୍ତ ଆରମ୍ଭ କରିଛି । ତେବେ ଶଙ୍କର୍ଷଣ ଓ ରଇବାରୀଙ୍କ ଦୁଇ ଝିଅ ସହିତ ଗୋଟିଏ ନାବାଳକ ପୁଅ ଥିବା ଜଣାପଡିଛି ।

 

 

ସୂଚନାଯୋଗ୍ୟ ନିଶା ପାଇଁ ଦିଶା ହରାଇ ଅସାମାଜିକ କାର୍ଯ୍ୟକଳାପରେ ସଂପୃକ୍ତ ହେଉଛନ୍ତି ଟୋକା ଠୁ ବୁଢ଼ା। ନିଶା ଆଡା ହେଉକି ମଦ ଭାଟିରୁ ରାଜରାସ୍ତାରେ ସୀମିତ ନ ରହି ପରିବାର ପର୍ଯ୍ୟନ୍ତ ଲମ୍ବିଛି ଅଶାନ୍ତି। କିନ୍ତୁ ନିଶା ବେପାରରୁ ରାଜକୋଷ ସମ୍ବୃଦ୍ଧ ହୋଇ ରାଜ୍ୟର ବିକାଶ ପାଇଁ ପାଣ୍ଠି ବିନିଯୋଗ ହେଉଥିବାରୁ ଏଥିରେ ଅଙ୍କୁଶ ଲଗାଇବା ଦିଗରେ କାହାର ଆନ୍ତରିକତା ନାହିଁ। ବରଂ ନିଶା ପାଇଁ ଅଶାନ୍ତି ସୃଷ୍ଟି ହୋଇ ଛାରଖାର ହେଉ ପରିବାର, ବଢ଼ୁ ଦୁର୍ଘଟଣା, ଅକାଳରେ ବାପାମାଆ ଛେଉଣ୍ଡ ହୁଅନ୍ତୁ ନାବାଳକ ନିଷ୍ପାପ ସନ୍ତାନ, ବିପଥଗାମୀ ହେଉ ଯୁବାମହଲ କାହାର କଣ ଯାଏ ନା ଆସେ। କିନ୍ତୁ ନିର୍ବାଚନୀ ପ୍ରତିଶ୍ରୁତି ଭୁଲିଗଲେ କି କ୍ଷମତାସୀନ ଲୋକଙ୍କ ସରକାର ବୋଲି ମହିଳା ମାନେ ପ୍ରଶ୍ନ ଉଠାଉଛନ୍ତି।

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା