ଦିଶମ୍ ଗୁରୁ ଶିବୁ ସୋରେନ୍ ଙ୍କ ବିୟୋଗରେ ଶୋକସଭା ପାଳନ ।
ଝାରଖଣ୍ଡ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ତଥା ଝାରଖଣ୍ଡ ମୁକ୍ତି ମୋର୍ଚ୍ଚା ଦଳର ପ୍ରତିଷ୍ଠାତା ସ୍ବର୍ଗତ ଶିବୁ ସୋରେନ୍ ଙ୍କ ବିୟୋଗରେ ଖୁଣ୍ଟା ବ୍ଲକ ଏବଂ ଗୋପବନ୍ଧୁ ନଗର ବ୍ଲକ J.M.M.କର୍ମୀ ମାନଙ୍କ ଦ୍ଵାରା ଖୁଣ୍ଟା ଠାରେ ଶୋକ ସଭା ପାଳନ ହୋଇଅଛି । ତା 04.08.25 ରିଖ ଦିନ ସ୍ୱର୍ଗତ ସୋରେନ୍ ଙ୍କ 81 ବର୍ଷ ବୟସରେ ଦିଲ୍ଲୀସ୍ଥିତ ଗଙ୍ଗାରାମ ହସ୍ପିଟାଲ ରେ ଦେହାନ୍ତ ହୋଇଥିଲା । ଗୁରୁଜୀଙ୍କ ବିୟୋଗ ଖବର ସମଗ୍ର ଝାରଖଣ୍ଡ ରାଜ୍ୟ ତଥା ବିହାର, ବେଙ୍ଗଲ ଏବଂ ଓଡ଼ିଶାରେ ଥିବା ଲକ୍ଷ ଲକ୍ଷ ଝାରଖଣ୍ଡ ମୁକ୍ତି ମୋର୍ଚ୍ଚାର କର୍ମକର୍ତ୍ତାଙ୍କ ଭିତରେ ଗଭୀର ଭାବେ ଶୋକର ଛାୟା ଖେଳି ଯାଇଛି । ସ୍ଵର୍ଗତ ସୋରେନ୍ ଏକାଧାରରେ ଥିଲେ ଜଣେ ମହାନ କ୍ରାନ୍ତିକାରୀ, ସୁଦକ୍ଷ ରାଜନେତା, ସୁ ସଂଗଠକ, ପରୋପକାରୀ ଏବଂ ଐତିହାସିକ ପୁରୁଷ। ତାଙ୍କର ବିୟୋଗ ସମଗ୍ର ଝରଖଣ୍ଡ ରାଜ୍ୟର ଏକ ଅପୂରଣୀୟ କ୍ଷତି ।ଝାଡ଼ଖଣ୍ଡ ମୁକ୍ତି ମୋର୍ଚ୍ଚାର ଖୁଣ୍ଟା ବ୍ଲକ ସଭାପତି ଶ୍ରୀ ବିକ୍ରମ ମୁର୍ମୁ ଏବଂ ଗୋପବନ୍ଧୁ ନଗର ବ୍ଲକ ସଭାପତି ଶ୍ରୀ ଚୈତନ୍ୟ ପ୍ରସାଦ ମୁର୍ମୁ ଙ୍କ ନେତୃତ୍ବରେ, ପୂର୍ବତନ ସଭାପତି ଶ୍ରୀ କାମରାଜ ସୋରେନ୍,ଶ୍ରୀ ସୁନୀଲ କୁମାର ଟୁଡୁ ଏବଂ ଶ୍ରୀ ସମରାୟ ଟୁଡୁଙ୍କ ସମେତ ଶତାଧିକ କର୍ମୀ ଗଭୀର ଶୋକ ପ୍ରକାଶ କରିବା ସହ ନୀରବ ପ୍ରାର୍ଥନା କରି ତାଙ୍କ ଅମର ଆତ୍ମାର ସଦଗତି କାମନା କରି ସ୍ୱର୍ଗତ ଶିବୁ ସୋରେନ୍ ଙ୍କ ଫୋଟ ଚିତ୍ରରେ ମାଲ୍ୟାର୍ପଣ ଏବଂ ପୁଷ୍ପାଞ୍ଜଳି ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ ।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق