ଭୁବନେଶ୍ୱର ଭଞ୍ଜ ମଣ୍ଡପ ଠାରେ ପାରଳାଖେମୁଣ୍ଡି ର ମନ୍ମଥ ପଞ୍ଚମ “ବିମୁଗ୍ଧା” ସମ୍ମାନରେ ସମ୍ମାନୀତ ହେଲେ ।
ଗଜପତି(ମନୋଜ ପାଢୀ) ୨୯/୮: ପାରଳାଖେମୁଣ୍ଡିର କଳାକାର ଆଇ.ମନ୍ମଥ ରାଓ ଭୂବନେଶ୍ୱରସ୍ଥିତ ଭଞ୍ଜ ମଣ୍ଡପ ଠାରେ ପଦାମୃତ ନୃତ୍ୟାୟନ ଅନୁଷ୍ଠାନ ପକ୍ଷରୁ ଆୟୋଜିତ ପଞ୍ଚମ “ବିମୁଗ୍ଧା” ଉତ୍ସବରେ ସଂମ୍ମାନିତ ହୋଇଛନ୍ତି. ସୂଚନାଯୋଗ୍ୟଯେ, ପାରଳାଖେମୁଣ୍ଡିର ଦୂରଦର୍ଶନ ସେକ୍ସୋଫୋନ କଳାକାର ଆଇ.ମନ୍ମଥ ରାଓଙ୍କୁ ପଞ୍ଚମ “ବିମୁଗ୍ଧା” ସମ୍ମାନରେ ସମ୍ମାନୀତହୋଇ ଥିଲେ। ଶ୍ରୀ ରାଓଙ୍କୁ ମାନପତ୍ର , ଉପଢୌକନ ଓ ପାଞ୍ଚ ହଜାର ଟଙ୍କା ପ୍ରଦାନ କରାଯାଇଛି।
ଉକ୍ତ ଉତ୍ସବରେ ଅତିଥି ଭାବେ ସଙ୍ଗୀତ ନାଟକ ଏକାଡେମୀ ର ସଚିବ ଡ଼. ଚନ୍ଦ୍ରଶେଖର ହୋତା , ଗୁରୁ ଧନେଶ୍ୱର ସ୍ବାଇଁ , ପଣ୍ଡିତ ରଘୁନାଥ ପାତ୍ର , ଛଉ ନୃତ୍ୟବିତ୍ ଶୁଭଶ୍ରୀ ମୁଖାର୍ଜୀ , ଅନୁଷ୍ଠାନର ଉପଦେଷ୍ଟା ନୃସିଂହ ଚରଣ ପଟ୍ଟନାୟକ , ପଦାମୃତ ନୃତ୍ୟାୟନ ଅନୁଷ୍ଠାନର ସମ୍ପାଦକ ସୀତାକାନ୍ତ ଜେନା ପ୍ରମୁଖ ମଞ୍ଚାସୀନ ଥିଲେ। ପରେ ଅନୁଷ୍ଠାନର ନୃତ୍ୟ ଗୁରୁ ତଥା ଦୂରଦର୍ଶନ ଶିଳ୍ପୀ ପ୍ରୀତିପ୍ରିୟା ବେହେରା ଓ ବିନ୍ଦୁପ୍ରିୟା ବେହେରାଙ୍କ ନେତୃତ୍ୱରେ ଅନୁଷ୍ଠାନର ଛାତ୍ରଛାତ୍ରୀ ମାନଙ୍କ ଦ୍ବାରା ଓଡିଶୀ ନୃତ୍ୟ ପ୍ରଦର୍ଶନ କରାଯାଇଥିଲା। ମନ୍ମଥଙ୍କ ଏହି ସମ୍ମାନ ପାଇଁ ବିଭିନ୍ନ ମହଲରୁ ଶୁଭେଚ୍ଛା ଜଣାଇଛନ୍ତି।
ମଣିଭଦ୍ରା ଖବର, ଗଜପତି
إرسال تعليق