BREAKING
Loading...
:

ବେଦଶାସ୍ତ୍ର ପାଠଶାଳାରେ ଶ୍ରୀଗଣେଶ ଚତୁର୍ଥୀ ମହୋତ୍ସବ ଅନୁଷ୍ଠିତ

 ବେଦଶାସ୍ତ୍ର ପାଠଶାଳାରେ ଶ୍ରୀଗଣେଶ ଚତୁର୍ଥୀ ମହୋତ୍ସବ  ଅନୁଷ୍ଠିତ 



ଖଣ୍ଡପଡ଼ା ୨୮|୮ (ପୂର୍ଣ୍ଣ ଚନ୍ଦ୍ର ମହାପାତ୍ର); ଖଣ୍ଡପଡ଼ା ବ୍ଲକ ଅଧିନ ନଟବରପୁରଶାସନ ଗ୍ରାମସ୍ଥିତ ବେଦଶାସ୍ତ୍ର ପାଠଶାଳାରେ ଶ୍ରୀଗଣେଶ ଚତୁର୍ଥୀ ମହୋତ୍ସବ ପାଳିତ ହୋଇଯାଇଛି।  ଭାରତ ସରକାରଙ୍କ ଶିକ୍ଷା ମନ୍ତ୍ରାଳୟ ଅଧିନ ଉଜ୍ଜୟିନୀର ମହର୍ଷି ସାନ୍ଦୀପନି ରାଷ୍ଟ୍ରୀୟ ବେଦ ବିଦ୍ଯା ପ୍ରତିଷ୍ଠାନର ଗୁରୁ ଶିଷ୍ୟ ପରମ୍ପରା ଆର୍ଥିକ ଅନୁଦାନରେ  ବୈଦିକ ସଂସ୍କୃତି ପ୍ରତିଷ୍ଠାନମ୍ ଦ୍ବାରା ପରିଚାଳିତ ଉକ୍ତ ବେଦଶାସ୍ତ୍ର ପାଠଶାଳା ପକ୍ଷରୁ ଆୟୋଜିତ କାର୍ଯ୍ଯକ୍ରମରେ ବୈଦିକ ସଂସ୍କୃତି ପ୍ରତିଷ୍ଠାନମର ପ୍ରତିଷ୍ଠାତା ସଭାପତି ତଥା ତିରୁପତି ରାଷ୍ଟ୍ରିୟ ସଂସ୍କୃତ ବିଶ୍ଵବିଦ୍ୟାଳୟର ସାହିତ୍ୟ,ସଂସ୍କୃତି ସଙ୍କାୟ ଅଧ୍ୟକ୍ଷ ପ୍ରଫେସର ସତ୍ୟନାରାୟଣ ଆଚାର୍ଯ୍ୟଙ୍କ ପୌରହିତ୍ୟରେ ଆୟୋଜିତ ଉତ୍ସବରେ ପ୍ରଫେସର ରମାକାନ୍ତ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ବିଦ୍ୟାର୍ଥୀମାନଙ୍କୁ ଭାରତୀୟ ସଂସ୍କୃତିରେ ବିଘ୍ନ ବିନାଶକ ପ୍ରଭୁ ଗଜାନନଙ୍କର ମହତ୍ତ୍ଵ ସଂର୍ପକରେ ଆଲୋକପାତ କରିଥିଲେ। କାର୍ଯ୍ୟକାରୀ ସଭାପତି  ଦୀନବନ୍ଧୁ ଦାଶ ଓ ସଦସ୍ୟ  ବିମ୍ବାଧର ଆଚାର୍ଯ୍ୟ ବୈଦିକ ରୀତିରେ ଶ୍ରୀଗଣେଶଙ୍କ ମୂର୍ତ୍ତି ପ୍ରତିଷ୍ଠା ପୂର୍ବକ ପୂଜାର୍ଚ୍ଚନା କରିଥିଲେ। ପାଠଶାଳାର ମୁଖ୍ୟ ଅଧ୍ୟାପକ ସତ୍ୟବାନ୍ ଦାଶ ବିଦ୍ୟାର୍ଥୀମାନଙ୍କ ଗହଣରେ ବେଦ ପାଠ କରିବା ସହ ହବନ କାର୍ଯ୍ୟ ସମ୍ପାଦନ କରିଥିଲେ। ଉପସଭାପତି ବିନାୟକ ନନ୍ଦ, ସଚିବ ଶିବ ନାରାୟଣ ଆଚାର୍ଯ୍ୟ, ଆବାହକ ରମେଶ ଚନ୍ଦ୍ର ଆଚାର୍ଯ୍ୟ, ଛାତ୍ରାବାସ ସଂରକ୍ଷକ ପ୍ରସନ୍ନ କୁମାର ଆଚାର୍ଯ୍ୟ,ରାମଚଣ୍ଡୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ  ଦାଶରଥି ଜେନା,ସଞ୍ଜୟ କୁମାର ନନ୍ଦ, ବିଜୟକୁମାର ସାମଲ,ସଂସ୍କୃତ ଶିକ୍ଷକ ଭଗବାନ ବେହେରା, ସିଆରସିସି ଗଜପତି ବିଶ୍ବାଳ,ପୁରୀ ଉଦ୍ୟାନ ବିଭାଗ ଅଧିକାରୀ ସମ୍ବିତ୍ ଆଚାର୍ଯ୍ୟ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ।ସମସ୍ତ ଅତିଥିଙ୍କୁ ଉତ୍ତରୀୟ ପ୍ରଦାନ ପୂର୍ବକ ସ୍ବାଗତ  କରାଯାଇଥିଲା। 

ସଂନ୍ଧ୍ୟାରେ ବାଦ୍ୟଗୁରୁ ଲକ୍ଷ୍ମଣ ନାୟକଙ୍କ ମାର୍ଗଦର୍ଶନରେ ଭଜନ କୀର୍ତ୍ତନର ଆୟୋଜନ କରାଯାଇଥିଲା।ବେଦଶାସ୍ତ୍ର ପାଠଶାଳା ପକ୍ଷରୁ ଆୟୋଜିତ ଏଭଳି ନିଆରା କାର୍ଯ୍ଯକ୍ରମକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି।

ମଣିଭଦ୍ରା ଖବର, ଖଣ୍ଡପଡ଼ା 

Post a Comment

أحدث أقدم
Header ADS