ସିୟୁଟିଏମ୍ ଛାତ୍ରଛାତ୍ରୀଙ୍କ ଦ୍ବାରା କୃଷିମେଳା ଆୟୋଜିତ
ଗଜପତି(ମନୋଜ ପାଢୀ) ସେଞ୍ଚୁରିଅନ ବିଶ୍ବବିଦ୍ୟାଳୟ ର କୃଷି ବିଜ୍ଞାନ ସ୍ନାତକ ଅନ୍ତିମ ବର୍ଷ ଛାତ୍ର ଛାତ୍ରୀଙ୍କ ଦ୍ବାରା ଗ୍ରାମୀଣ କୃଷି ଅଭିଜ୍ଞତା କାର୍ଯକ୍ରମ ଅନ୍ତର୍ଗତ କୃଷି ମେଳା ଆୟୋଜନ ହୋଇଥିଲା । ଗୋଷାଣି ବ୍ଲକ୍ ଅନ୍ତର୍ଗତ ଶରଧାପୁର ପଞ୍ଚାୟତ ରେ ଏହି କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା । ଉକ୍ତ ମେଳା ରେ ମୁଖ୍ୟ ଅତିଥି ଭାବେ ଗୋଷାଣି ବ୍ଲକ୍ ର ସହକାରୀ କୃଷି ଅଧିକାରୀ ମହେନ୍ଦ୍ର ପ୍ରସାଦ ପାଇକ ଏବଂ ସମ୍ମାନିତ ଅତିଥି ଭାବେ ଶରଧାପୁର ଗ୍ରାମର ସରପଞ୍ଚ ସି.ଏଚ ପ୍ରସାଦ ରାଓ ଏବଂ ଖରଷଣ୍ଡା ଗ୍ରାମପଞ୍ଚାୟତର ସରପଞ୍ଚ ଜି. ଡିଲ୍ଲମ୍ମା, ସେଞ୍ଚୁରିଅନ ବିଶ୍ବବିଦ୍ୟାଳୟ ର ଶିକ୍ଷକ ଗଣ ଯଥାକ୍ରମେ ଉଦ୍ୟାନ କୃଷି ବିଭାଗର ପ୍ରଧ୍ୟାପକ ଡ. ଚିନ୍ତାମଣି ପଣ୍ଡା, କୃଷି ସଂପ୍ରସାର ବିଭାଗର ସହକାରୀ ପ୍ରଧ୍ୟାପକ ଡ. ପେଡି ନାଗା ହର୍ଷବର୍ଧନ, କୃଷି ବିଜ୍ଞାନ ଓ ବନ କୃଷି ବିଭାଗର ସହକାରୀ ପ୍ରଧ୍ୟାପକ ଡ. ଜି. ଶେଖର, ଉଦ୍ୟାନ କୃଷି ବିଭାଗର ସହକାରୀ ପ୍ରଧ୍ୟାପିକା ଡ. ଭି. ତ୍ରିବେଣୀ, ଡ. ଜ୍ଞାନା ଭାରତୀ ପଲେଇ, ଡ. ଆର୍. ପ୍ରବଳିକାଶ୍ରୀ, ଡ. ଅମିତ ଲୋହର ପ୍ରମୁଖ ଯୋଗ ଦେଇ କୃଷିମେଳା ର ଲକ୍ଷ୍ୟ ଏବଂ ଉଦ୍ଦେଶ୍ୟ ସମ୍ପର୍କର ବକ୍ତବ୍ୟ ରଖିଥିବା ବେଳେ କୃଷି ସମ୍ପର୍କିତ ଯୋଜନା, ଆବେଦନ ପ୍ରକ୍ରିୟା ଏବଂ ଜୈବିକ କୃଷି ସମ୍ପର୍କରେ ସଚେତନତା କରିଥିଲେ । ସମ୍ମାନିତ ଅତିଥି ଗଣ କୃଷି ସମ୍ପର୍କିତ ତଥ୍ୟ ଓ ରୋଗପୋକ ନିୟନ୍ତ୍ରଣ ସନ୍ଦର୍ଭ ରେ ଉପସ୍ଥାପନା କରି କୃଷକ ମାନଙ୍କ ସହ ବାର୍ତ୍ତାଳାପ କରି ସମନ୍ୱୟ କୃଷି ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ଶରଧାପୁର, ଯୁବରାଜପୁର, ଟିଏସ ପୁର, ମଧୁସୂଦନପୁର, ଖରଷଣ୍ଡା ଆଦି ଗ୍ରାମର କୃଷକ ମାନେ ଯୋଗଥିଲେ।
ମଣିଭଦ୍ରା ଖବର, ଗଜପତି
إرسال تعليق