ଛାମୁଣ୍ଡିଆରେ କାଳ ବୈଶାଖୀରେ ରାସ୍ତା ଉପରେ ଭାଙ୍ଗିଲା ଆମ୍ବଗଛ, ଯାତାୟାତରେ ବାଧା

 ଛାମୁଣ୍ଡିଆରେ କାଳ ବୈଶାଖୀରେ ରାସ୍ତା ଉପରେ  ଭାଙ୍ଗିଲା ଆମ୍ବଗଛ, ଯାତାୟାତରେ ବାଧା

ଗଣିଆ( ମଣିଭଦ୍ରା ଖବର) ଗଣିଆ ବ୍ଳକ ଛାମୁଣ୍ଡିଆ ଠାରେ କାଳବୈଶାଖୀ ପବନରେ ଏକ ବିରାଟ ଆମ୍ବଗଛ ରାସ୍ତା ଉପରେ ଭାଙ୍ଗି ପଡିଥିବା ବେଳେ ଯାତାୟାତରେ ବାଧାପ୍ରାପ୍ତ ହୋଇଥିଲା । ଆମ୍ବଗଛଟି ଦୀର୍ଘ ସମୟ ଧରି ସେଠାରେ ପଡି ରହିବା ଫଳରେ ଲୋକମାନେ ଯାତାୟତରେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ । ତେବେ ଏ ସମ୍ପର୍କରେ ଖବର ପାଇ ଦମକଳ ଅଧିକାରୀ ବିଜୟାନନ୍ଦ ପରିଡା ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ମେସିନ ସାହାଯ୍ୟରେ ରାସ୍ତା ଉପରେ ପଡିଥିବା ଆମ୍ବ ଗଛଟିକୁ କାଟିବା ପରେ ରାସ୍ତାରେ ଯାତାୟାତ ସ୍ବାଭାବିକ ହୋଇଥିଲା । ଗଣିଆରେ କାଳବୈଶାଖୀ ପ୍ରଭାବରେ ଅନେକ ସ୍ଥାନରେ ପବନ ବହିବା ଫଳରେ ଗଛପତ୍ର ଭାଙ୍ଗି ପଡିଥିବା ବେଳେ ବିଶେଷ କିଛି କ୍ଷୟକ୍ଷତି ହୋଇନଥିବା ଜଣାପଡିଛି ।

ମଣିଭଦ୍ରା ଖବର, ଗଣିଆ