ନୟାଗଡ଼ ଜିଲ୍ଲା କାରାଗାର ପରିସରରେ ୭୮ ତମ ସ୍ବାଧିନତା ଦିବସ ପାଳିତ

 ନୟାଗଡ଼ ଜିଲ୍ଲା କାରାଗାର ପରିସରରେ ୭୮ ତମ ସ୍ବାଧିନତା ଦିବସ ପାଳିତ 

ନୟାଗଡ଼ (ମଣିଭଦ୍ରା ଖବର) ନୟାଗଡ଼ ଖୁଣ୍ଟୁବନ୍ଧ ଠାରେ ଥିବା ନୟାଗଡ ଜିଲ୍ଲା କାରାଗାର ପରିସରରେ ୭୮ ତମ ସ୍ବାଧିନତା ଦିବସ ଧୁମଧାମରେ ପାଳିତ ହୋଇଯାଇଛି । କାରାଗାର ପରିସରରେ ଥିବା ଅନ୍ତେବାସୀ ମାନେ ପତାକା ପୀଠକୁ ସୁନ୍ଦର ଭାବେ ସାଜସଜ୍ଜା କରିଥିଲେ । ସକାଳୁ ଜେଲ୍ ପରିସରରେ ପ୍ରଭାତ ଫେରି ସରିବା ପରେ ଖୋଳ କୀର୍ତ୍ତନ କରି କାର୍ଯ୍ୟାଳୟରୁ ଅଧିକ୍ଷକଙ୍କୁ ପତାକା ପୀଠକୁ ଅଣାଯାଇଥିଲା । ଅଧିକ୍ଷକ ପ୍ରଫୁଲ୍ଲ କୁମାର କବି ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ପତାକା ଉତ୍ତୋଳନ କରିଥିଲେ । ସମସ୍ତ ଅନ୍ତେବାସୀ ପରିସ୍ଥିତିରେ ପଡି କାରାବରଣ ଭୋଗୁଥିବା ବେଳେ ଏଥିରୁ ମୁକୁଳିବା ପରେ ମୁଖ୍ୟ ସ୍ରୋତକୁ ଫେରି ଭଲ ମଣିଷ ପରି ଜୀବନ ଅତିବାହିତ କରିବାକୁ ଅଧିକ୍ଷକ ପରାମର୍ଶ ଦେଇଥିଲେ । 

କାରାଗାରର ନିୟମକାନୁନ ମାନି ପରସ୍ପର ସହିତ ମିଳାମିଶା କରିବା ସହିତ ଆକ୍ରୋଶ ମନୋଭାବ ନରଖିବାକୁ ସେ ସଚେତନ କରିଥିଲେ । ଅନ୍ତେବାସୀ ମାନେ ନିଜ ନିଜର ମତ ପୋଷଣ କରିଥିଲେ । ସମସ୍ତ ଅନ୍ତେବାସୀଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମରେ ଡାକ୍ତର ସ୍ମୃତି ରଞ୍ଜନ ବଳିୟାର ସିଂ, ଫାର୍ମାସିଷ୍ଟ ଦରଜୀ ପରିଡ଼ା,ଉପ ଅଧିକ୍ଷକ ଅଜିତ ବେହେରା, ସହକାରୀ ଅଧିକ୍ଷକ ମନୁ ବେହେରା,ମୀନକେତନ ମଲ୍ଲିକ, ବୃନ୍ଦାବନ ପ୍ରଧାନ,ଓ୍ବାର୍ଡର ତପନ ପ୍ରଧାନ,ତପନ ପାତାଲ ସି°, ଜିତେନ୍ଦ୍ର ବେହେରା,ସାଗର କୁମାର,ବିକାଶ ସାହୁ,ଅଭିରାମ ସାହୁ, ପୁଷ୍ପାଞ୍ଜଳି ସାହୁ,ସବିତା ବେହେରା ପ୍ରମୁଖ ଉପସ୍ଥିତ ଥିଲେ । ଅନ୍ତେବାସୀଙ୍କ ମଧ୍ୟରୁ ଜେ. ସନ୍ତୋଷ, ସରୋଜ କୁମାର ଗୁରୁ,ରାଜେଶ ବେହେରା,ରବି ମହାନ୍ତି ସହଯୋଗ କରିଥିଲେ । 

ବ୍ୟୁରୋ ରିପୋର୍ଟ ମଣିଭଦ୍ରା ଖବର