ରୋଟାରୀ ରୟାଲର ଅଧିଷ୍ଠାନ ଉତ୍ସବ ପାଳିତ, ବିଭୂତି ଭୂଷଣ କର ସଭାପତି

 ରୋଟାରୀ ରୟାଲର ଅଧିଷ୍ଠାନ ଉତ୍ସବ ପାଳିତ, ବିଭୂତି ଭୂଷଣ କର ସଭାପତି 

ଭୂବନେଶ୍ବର (ମଣିଭଦ୍ରା ଖବର) ରୋଟାରୀ କ୍ଳବ୍ ଅଫ୍ ଭୂବନେଶ୍ବର ରୟାଲର ୨୩ ତମ ଅଧିଷ୍ଠାନ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ରୋଟାରୀ ଜିଲ୍ଲା ୩୨୬୨ର ପ୍ରାନ୍ତପାଳ ଯଜ୍ଞାଶିଷ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇଥିଲେ । ଉତ୍କଳ ସାମ୍ବାଦିକ ସଂଘର ରାଜ୍ୟ ସଭାପତି ବିଭୂତି ଭୂଷଣ କର ଚଳିତ ରୋଟାରୀ ବର୍ଷ ପାଇଁ କ୍ଳବର ସଭାପତି ଭାବେ ଦାୟିତ୍ଵ ଗ୍ରହଣ କରିଛନ୍ତି । ଏହି ଅବସରରେ ମୁଖ୍ୟ ଅତିଥି ଶ୍ରୀ ମହାପାତ୍ର ନୂତନ ସଭାପତିଙ୍କୁ ଶପଥ ପାଠ କରାଇଥିଲେ । ନୂତନ ସଭାପତି ଶ୍ରୀକର ରୋଟିରିଅନ ମାନଙ୍କୁ ସମ୍ବୋଧିତ କରି ଶ୍ରୀ କର କହିଥିଲେ ଯେ ଚଳିତ ରୋଟାରୀ ବର୍ଷକୁ କ୍ଳବ ପକ୍ଷରୁ ସେବା, ସଂକଳ୍ପ ଓ ସମ୍ଭାବନାର ବର୍ଷ ଭାବେ ଅଭିହିତ କରାଯାଇଛି । 

ଉତ୍ସବରେ କ୍ଳବର ସ୍ମରଣିକା " ଦ ରୟାଲ" ଉନ୍ମୋଚିତ ହୋଇଥିଲା । ୬ ଜଣ ରୋଟାରିୟାନ ନୂତନ ସଦସ୍ୟତା ଗ୍ରହଣ କରିଥିଲେ । ଅନ୍ୟ ପକ୍ଷରେ ପ୍ରାକ୍ତନ ସଭାପତି ତୁଷାର ମହାନ୍ତି, ସଦସ୍ୟତା କମିଟି ଅଧ୍ୟକ୍ଷ ପ୍ରଶାନ୍ତ କୁମାର ସାହୁ, କୋଷାଧ୍ୟକ୍ଷ ଦୀପକ ସେହଗଲ କାର୍ଯ୍ୟକ୍ରମକୁ ପରିଚାଳନା କରିଥିଲେ । 

ବ୍ୟୁରୋ ରିପୋର୍ଟ ମଣିଭଦ୍ରା ଖବର