ବାଇକ ରୁ ଓଭରବ୍ରିଜ ତଳକୁ ଖସି ଦୁଇ ଯୁବକଙ୍କ ଶୋଚନୀୟ ମୃତ୍ୟୁ।
ବଲାଙ୍ଗିର (ମଣିଭଦ୍ରା ଖବର) ବଲାଙ୍ଗୀର ରୁ ସଇଁତଲା ବ୍ଲକ ମଧ୍ୟରେ ଥିବା ମୁଖ୍ୟ ୨୬ ନମ୍ୱର ଜାତୀୟ ରାଜପଥ ର କରେଲଧୁଆ ନିକଟରେ ଥିବା ଓଭରବ୍ରିଜ ରୁ ଦ୍ରୁତ ବେଗରେ ଆସୁଥିବା ଦୁଇ ଯୁବକ ପଡ଼ି ଶୋଚନୀୟ ମୃତ୍ୟୁ ବରଣ କରିଥିବା ଜଣାପଡ଼ିଛି । ସୁଚନାନୁଯାୟୀ ସଇଁତଲା ବ୍ଲକ ଅନ୍ତର୍ଗତ ସର୍ଗିପାଲି ଗ୍ରାମର ବଣ୍ଟି ପଧାନ(୨୦) ଓ ଶରତ ସାହୁ(୧୮) । ଉଭୟ ଦୁଇ ଯୁବକ ବଣ୍ଟି ଓ ଶରତ ବାଇକ ଯୋଗେ ନିଜ ଘରକୁ ଦ୍ରୁତ ଗତିରେ ଫେରୁଥିବାବେଳେ ବ୍ରିଜ ତଳକୁ ଖସି ପଡ଼ିଥିଲେ । ଉକ୍ତ ରାସ୍ତା ଦେଇ ରାମ ନାରାୟଣ ଦାସ ନାମକ ଡେଙ୍ଗ ଗ୍ରାମ ସ୍କୁଲ ର ଶିକ୍ଷକ ବଲାଙ୍ଗିର ରୁ ଫେରୁଥିବାବେଳେ ୨ ଯୁବକ ଗୁରୁତର ଅବସ୍ଥାରେ ପଡ଼ି ରହିଥିବା ଦେଖି ଅଗ୍ନିଶମ ବିଭାଗକୁ ଓ ପୋଲିସ କୁ ଖବର ଦେଇଥିଲେ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ସଇଁନ୍ତଲା ଡାକ୍ତରଖାନାକୁ ଆଣିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏ ନେଇ ପୋଲିସ ଏକ ମାମଲା ରୁଜୁ କରି ସବିଶେଷ ତଦନ୍ତ ଆରମ୍ଭ କରିଥିବା ସୁଚନା ମିଳିଛି।
ରିପୋର୍ଟ ସନ୍ତୋଷ କୁମାର ନାୟକ ବଲାଙ୍ଗୀର
إرسال تعليق