ବଡସିଲିଙ୍ଗା ଆଶ୍ରମ ବିଦ୍ୟାଳୟ ପରିଦର୍ଶନ କଲେ ବ୍ଳକ ଅଧ୍ୟକ୍ଷା ଝୁନା ଜେନା
ଗଣିଆ (ମଣିଭଦ୍ରା ଖବର) ଆଦିବାସୀ ଅଧ୍ୟୁଷିତ ବଡସିଲିଙ୍ଗା ପଞ୍ଚାୟତରେ ଶିକ୍ଷା ଠାରୁ ଆରମ୍ଭ କରି ସ୍ବାସ୍ଥ୍ୟ, ଗମନାଗମନ ପାନୀୟ ଜଳ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି । ଏପରିକି ଅପହଞ୍ଚ ଇଲାକା ଭାବେ ପରିଚିତ ଉକ୍ତ ପଞ୍ଚାୟତ ପ୍ରଶାସନର ସାବତ ପୁଅ ରୂପେ ପରିଗଣିତ ହୋଇ ଆସୁଅଛି । ତେବେ ବ୍ଳକ ଅଧ୍ୟକ୍ଷା ଝୁନା ଜେନା ବଡସିଲିଙ୍ଗା ପଞ୍ଚାୟତ ଗ୍ରସ୍ତ କରି ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଛନ୍ତି । ଏପରିକି ବଡସିଲିଙ୍ଗା ଆଶ୍ରମ ବିଦ୍ୟାଳୟକୁ ପରିଦର୍ଶନ କରି ଶିକ୍ଷକ ମାନଙ୍କ ସହିତ ଆଲୋଚନା କରିଛନ୍ତି । ସେଠାରେ ରହୁଥିବା ଅନ୍ତେବାସୀ ମାନଙ୍କ ସହିତ ସେମାନଙ୍କର ରହିବା,ଖାଇବା ଏବଂ ପାଠପଢ଼ା ସମ୍ପର୍କରେ ପଚାରି ବୁଝିଥିଲେ । ସବୁବେଳେ ଛୋଟ ଛୋଟ ପିଲାମାନଙ୍କୁ ସ୍ନେହ ଏବଂ ଶ୍ରଦ୍ଧା କରୁଥିବା ଅଧ୍ୟକ୍ଷା ମହୋଦୟା ଛାତ୍ରାବାସ ପରିଦର୍ଶନ କରିଥିବା ଜଣାପଡିଛି । ଏହି ଅବସରରେ ବିଦ୍ୟାଳୟ ପରିସରରେ ବୃକ୍ଷ ରୋପଣ କରିବା ସହିତ ପିଲାମାନଙ୍କୁ ବୃକ୍ଷ ରୋପଣ କରିବାକୁ ସଚେତନ କରିଥିଲେ ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق