ଜାତୀୟ ପ୍ରେସ ଦିବସରେ ସାନଖେମୁଣ୍ଡି ପ୍ରେସ କ୍ଲୁବର ମାନବୀୟ ପଦକ୍ଷେପ: ବନ୍ୟା ବିପନ୍ନଙ୍କ ପାଇଁ ବଢ଼ିଲା ସହାୟତାର ହାତ
ସାନଖେମୁଣ୍ଡି / ଗଞ୍ଜାମ:
ପ୍ରକୃତିର ତାଣ୍ଡବଲୀଳା ଓ ଭୟଙ୍କର ବନ୍ୟା ଯୋଗୁଁ ଗଞ୍ଜାମ ଜିଲ୍ଲାରେ ହୋଇଥିବା ଅପୂରଣୀୟକ୍ଷତି ଏବଂ ବହୁ ପରିବାରର ସର୍ବସ୍ବ ହରାଇବା ଘଟଣା ସମଗ୍ର ଜିଲ୍ଲାବାସୀଙ୍କୁ ମର୍ମାହତ କରିଛି। ଏଭଳି ଏକ ଦୁଃଖଦ ଓ ଭୟାବହ ପରିସ୍ଥିତିରେ ଆଜି ପବିତ୍ର 'ଜାତୀୟ ପ୍ରେସ ଦିବସ'କୁ କୌଣସି ଆନନ୍ଦୋଲ୍ଲାସ ସହ ପାଳନ ନକରି, ସାନଖେମୁଣ୍ଡି ପ୍ରେସ କ୍ଲୁବ୍ ପକ୍ଷରୁ ଏକ ଅନନ୍ୟ ଓ ମାନବୀୟ ପ୍ରୟାସ ଦେଖିବାକୁ ମିଳିଛି।
ପ୍ରେସ କ୍ଲୁବର ସଦସ୍ୟମାନେ ନିଜର ଦାୟିତ୍ୱବୋଧର ପରିଚୟ ଦେଇ ଜିଲ୍ଲାପାଳଙ୍କ ଜରିଆରେ ବନ୍ୟା ବିପନ୍ନ ପରିବାରଗୁଡ଼ିକ ପାଇଁ ଆର୍ଥିକ ସହାୟତା ପ୍ରଦାନ କରିଛନ୍ତି। ସଙ୍କଟର ଏହି ବେଳାରେ ସାମ୍ବାଦିକମାନଙ୍କର ଏପରି ସମବେଦନାଶୀଳ ଓ ସେବାମୂଳକ କାର୍ଯ୍ୟ ସ୍ଥାନୀୟ ଅଞ୍ଚଳରେ ବେଶ୍ ପ୍ରଶଂସା ସାଉଁଟିଛି।
"ବନ୍ୟା ବିପନ୍ନଙ୍କ ଏଭଳି ଦୁର୍ଦ୍ଦିନରେ ଆମେ ସେମାନଙ୍କ ପାଖରେ ଅଛୁ ଏବଂ ଭଗବାନ ଏହି ବିପଦରୁ ସମସ୍ତଙ୍କୁ ରକ୍ଷା କରନ୍ତୁ," ବୋଲି ପ୍ରେସ କ୍ଲୁବର କର୍ମକର୍ତ୍ତାମାନେ ମତବ୍ୟକ୍ତ କରିଛନ୍ତି।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା


Post a Comment