ମଣିଭଦ୍ରା ଖବରର ମହାପ୍ରଭାବ,ଖବର ପ୍ରକାଶ ପରେ ପିଲାଙ୍କୁ ବଣ୍ଟନ ହେଲା ବହି

 ମଣିଭଦ୍ରା ଖବରର ମହାପ୍ରଭାବ,ଖବର ପ୍ରକାଶ ପରେ ପିଲାଙ୍କୁ ମିଳିଲା ପାଠ୍ୟ ପୁସ୍ତକ 

ଖଣ୍ଡପଡ଼ା (ପୂର୍ଣ୍ଣଚନ୍ଦ୍ର ମହାପାତ୍ର) ନୂତନ ଶିକ୍ଷାବର୍ଷ ବୁଧବାର ଠାରୁ ଆରମ୍ଭ ହୋଇଥିବା ବେଳେ ଆଜି ପର୍ଯ୍ୟନ୍ତ ପିଲାଙ୍କୁ ବହି ପ୍ରଦାନ କରାଯାଇନଥିଲା । ସରକାର ବିଦ୍ୟାଳୟରେ ଛାତ୍ର ଛାତ୍ରୀ ମାନଙ୍କ ପ୍ରବେଶ ଉତ୍ସବ ପାଳନ କରି କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ମଧ୍ୟ ଶିକ୍ଷା ପାଇଁ ନିତାନ୍ତ ଆବଶ୍ୟକ ବହି ଦେବାକୁ ଭୂଲିଗଲେ । ଏ ସମ୍ପର୍କରେ ଆଜି ସକାଳେ କେବଳ ମଣିଭଦ୍ରା ଖବରରେ "ଶିକ୍ଷା ବର୍ଷ ଆରମ୍ଭ, ପିଲାମାନଙ୍କୁ ମିଳିଲାନି ପୁସ୍ତକ" ସମ୍ପର୍କିତ ଖବର ପ୍ରକାଶିତ ହୋଇଥିଲା । ଖବର ପ୍ରକାଶିତ ହେବା ପରେ ଚଳଚଞ୍ଚଳ ହୋଇପଡିଛି ଶିକ୍ଷା ବିଭାଗ । ଦିବା ୨ ଘଟିକା ମଧ୍ୟରେ ଖଣ୍ଡପଡ଼ା ଅଞ୍ଚଳରେ ଅବସ୍ଥିତ ୮୬ ଗୋଟି ପ୍ରାଥମିକ ଉଚ୍ଚ ପ୍ରାଥମିକ ବିଦ୍ୟାଳୟ ସମେତ ୧୪ ଗୋଟି ଉଚ୍ଚ ବିଦ୍ୟାଳୟରେ ଅଧ୍ୟୟନରତ ୧୩୨୭୦ ଜଣ ଛାତ୍ରଛାତ୍ରୀଙ୍କୁ ପାଠ୍ଯ ପୁସ୍ତକ ବଣ୍ଟନ କରାଯାଇଥିବା ଖଣ୍ଡପଡ଼ା ବ୍ଲକ ଶିକ୍ଷାଧିକାରୀ କୈଳାସ ଚନ୍ଦ୍ର କର ଓ ବିଆରସିସି ନାରାୟଣ ଦାଶ ପ୍ରକାଶ କରିଛନ୍ତି । ତେବେ ଅଭିଭାବକ ମାନେ ମଣିଭଦ୍ରା ଖବର ପରିବାରକୁ କୃତଜ୍ଞତା ଜ୍ଞାପନ କରିଛନ୍ତି । 

ମଣିଭଦ୍ରା ଖବର, ଖଣ୍ଡପଡ଼ା ବ୍ଳକ