ବାଲ୍ୟ ବିବାହ ରୋକିବାରେ ଶିକ୍ଷକଙ୍କ ଭୂମିକା ଗୁରୁତ୍ୱପୂର୍ଣ୍ଣ
ନୟାଗଡ଼, ତାରିଖ: ୦୫.୦୯.୨୦୨୬
ବାଲ୍ୟ ବିବାହ ଭଳି ସାମାଜିକ କୁପ୍ରଥାକୁ ରୋକିବା ସହ ଶିଶୁମାନଙ୍କ ଅଧିକାର ଓ ସୁରକ୍ଷା ସୁନିଶ୍ଚିତ କରିବା ଉଦ୍ଦେଶ୍ୟରେ ଗଣିଆ ଉନ୍ନୟନ କମିଟି ପକ୍ଷରୁ ବାଲ୍ୟ ବିବାହ ରୋକିବାରେ ଶିକ୍ଷକଙ୍କ ଭୂମିକା ଉପରେ ଏକ ପରାମର୍ଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ନାଟୁଗାଁ ଠାରେ ଆୟୋଜିତ ଏହି କାର୍ଯ୍ୟକ୍ରମରେ ନାଟୁଗାଁ ସରପଞ୍ଚ ସାଗରବାଳା ବରାଡ଼ ସଭାପତିତ୍ୱ କରିଥିଲେ। କାର୍ଯ୍ୟକ୍ରମରେ ମଞ୍ଚାସୀନ ଅତିଥି ଭାବେ ସତ୍ୟରଞ୍ଜନ ଦାସ, ଅନୁଷ୍ଠାନିକ ଯତ୍ନ ଅଧିକାରୀ, ଜିଲ୍ଲା ଶିଶୁ ସୁରକ୍ଷା ୟୁନିଟ, ପ୍ରବୋଧ୍ୟା ନନ୍ଦ ବିହାରୀ, ଜିଲ୍ଲା ସଂଯୋଜକ, ଚାଇଲ୍ଡ ହେଲ୍ପଲାଇନ୍, ମଧୁସ୍ମିତା ନାୟକ, PEO ଏବଂ ପୂର୍ବତନ ଶିଶୁମଙ୍ଗଳ ସମିତି ସଦସ୍ୟ ସନ୍ଧ୍ୟାରାଣୀ ପଟ୍ଟନାୟକ ଉପସ୍ଥିତ ଥିଲେ।
ଅତିଥିମାନେ ନିଜ ନିଜ ମତବ୍ୟକ୍ତ କରି କହିଥିଲେ ଯେ, ବାଲ୍ୟ ବିବାହ ରୋକିବାରେ ଶିକ୍ଷକମାନଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବିଦ୍ୟାଳୟରେ ଶିଶୁମାନଙ୍କ ଉପସ୍ଥାନ, ଶିକ୍ଷାରୁ ବଞ୍ଚିତ ହେବାର କାରଣ, ହଠାତ୍ ପାଠପଢ଼ା ଛାଡ଼ିବା ଏବଂ ବାଲ୍ୟ ବିବାହର ସମ୍ଭାବନା ଭଳି ବିଷୟ ପ୍ରତି ଶିକ୍ଷକମାନେ ସଚେତନ ରହିବା ଆବଶ୍ୟକ। ସନ୍ଦେହଜନକ ଘଟଣା ଜଣାପଡ଼ିଲେ ଅଭିଭାବକ, ସ୍ଥାନୀୟ ପ୍ରଶାସନ, ଶିଶୁ ସୁରକ୍ଷା ବ୍ୟବସ୍ଥା ଏବଂ ଚାଇଲ୍ଡ ହେଲ୍ପଲାଇନ୍ ସହ ତୁରନ୍ତ ସମନ୍ୱୟ କରିବା ଉପରେ ମଧ୍ୟ ଆଲୋଚନା କରାଯାଇଥିଲା।
ନୟାଗଡ଼ ଜିଲ୍ଲାରେ ବାଲ୍ୟ ବିବାହ ବିରୋଧୀ ଜନସଚେତନତା ଅଭିଯାନକୁ ଆଗେଇ ନେଉଥିବା ଗଣିଆ ଉନ୍ନୟନ କମିଟି (GUC) ଏହି ଘୋଷଣାକୁ ସ୍ୱାଗତ କରିଛି। GUC, **Just Rights for Children (JRC)**ର ଏକ ସହଯୋଗୀ ସଂଗଠନ ଭାବେ ଦୀର୍ଘଦିନ ଧରି ବାଲ୍ୟ ବିବାହ ବିରୋଧରେ ସଚେତନତା ଓ ଆଇନଗତ ପଦକ୍ଷେପ ମାଧ୍ୟମରେ କାର୍ଯ୍ୟ କରିଆସୁଛି।
ଶିକ୍ଷକ ଦିବସ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ GUCର ନିର୍ଦ୍ଦେଶିକା ଉଷା ପଟ୍ଟନାୟକ କହିଥିଲେ, “ଭାରତରୁ ଉଠିଥିବା ଏହି ସ୍ୱର ଆଜି ବିଶ୍ୱସ୍ତରୀୟ ସଂକଳ୍ପରେ ପରିଣତ ହୋଇଛି। ଏହା ଭାରତ ଏବଂ ବାଲ୍ୟ ବିବାହ ବିରୋଧରେ କାର୍ଯ୍ୟ କରୁଥିବା ସମସ୍ତ ସଂଗଠନ ପାଇଁ ଗର୍ବର ବିଷୟ।”
ବାଲ୍ୟ ବିବାହ ଶିଶୁମାନଙ୍କ ଶିକ୍ଷା, ସ୍ୱାସ୍ଥ୍ୟ, ସୁରକ୍ଷା ଓ ଭବିଷ୍ୟତ ଉପରେ ନକାରାତ୍ମକ ପ୍ରଭାବ ପକାଏ। ତେଣୁ ଏହାକୁ ରୋକିବା ପାଇଁ ଶିକ୍ଷକ, ଅଭିଭାବକ, ପଞ୍ଚାୟତ, ପ୍ରଶାସନ ଓ ସମାଜର ସମସ୍ତ ବର୍ଗଙ୍କ ମିଳିତ ପ୍ରୟାସ ଆବଶ୍ୟକ ବୋଲି ଅତିଥିମାନେ ମତପ୍ରକାଶ କରିଥିଲେ।
କାର୍ଯ୍ୟକ୍ରମରେ ଶିକ୍ଷକମାନେ ବାଲ୍ୟ ବିବାହ ରୋକିବା ଏବଂ ଶିଶୁ ସୁରକ୍ଷା ସମ୍ପର୍କିତ ବିଭିନ୍ନ ବିଷୟରେ ଆଲୋଚନା କରିବା ସହ ନିଜ ନିଜ ମତାମତ ଓ ଅଭିଜ୍ଞତା ରଖିଥିଲେ। ଶେଷରେ ବାଲ୍ୟ ବିବାହମୁକ୍ତ ସମାଜ ଗଠନ ପାଇଁ ସମସ୍ତେ ମିଳିତ ଭାବେ କାର୍ଯ୍ୟ କରିବାକୁ ଆହ୍ୱାନ କରାଯାଇଥିଲା।
ଗଣିଆ ଉନ୍ନୟନ କମିଟି ପକ୍ଷରୁ ଆୟୋଜିତ ଏହି ପରାମର୍ଶ କାର୍ଯ୍ୟକ୍ରମ ଶିକ୍ଷକମାନଙ୍କ ମଧ୍ୟରେ ବାଲ୍ୟ ବିବାହ ନିରୋଧ ସମ୍ପର୍କିତ ସଚେତନତା ଓ ଦାୟିତ୍ୱବୋଧ ବୃଦ୍ଧି କରିବାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହୋଇଥିଲା।
ମଣିଭଦ୍ରା ଖବର, ନୟାଗଡ
إرسال تعليق