ବଜ୍ରାଘାତରେ ଯୁବକ ମୃତ

 ବଜ୍ରାଘାତରେ ଯୁବକ ମୃତ।

ବୁହାଳିପାଳ, ହିନ୍ଦୋଳ, ଢେଙ୍କାନାଳ।

         ପ୍ରାପ୍ତ ସୂଚନା କ୍ରମେ ଗତ କାଲି  ସଂନ୍ଧ୍ୟା ୬ଘଟିକା ସମୟ ରେ କାଳବୈଶାଖୀ ବର୍ଷା ଜନିତ ବଜ୍ରପାତରେ ଵୁହାଳି ପାଳ ଗ୍ରାମର ଜନୈକ ବିବାହିତ ଯୁବକ ସମୀର ରାଉତ(ଆନୁମାନିକ ବୟସ ୩୫),ପିତା ସୁରେଶ ରାଉତ ଙ୍କର ଅକାଳ ରେ ମୃତ୍ୟୁ ହୋଇଥିବା ବେଳେ ,ଅନ୍ୟ ଜଣେ ଯୁବକ ମଙ୍ଗୁ ପ୍ରଧାନ ଗୁରୁତର ଆହତ ଅବସ୍ଥାରେ ହିନ୍ଦୋଳ ଉପଖଣ୍ଡ ସ୍ତରୀୟ ମୂଖ୍ୟ ଚିକିତ୍ସାଳୟ ରେ ଚିକିତ୍ସିତ ଅଛନ୍ତି।

         ଘଟଣା କ୍ରମେ ମୃତକ ସମୀର ରାଉତ ନିଜସ୍ୱ କୌଳିକ କାମରେ ବାହାରକୁ ଯାଇଥିବା ବେଳେ ସଂନ୍ଧ୍ୟା ଛଅ ଘଟିକା ସମୟ ରେ କାଳବୈଶାଖୀ ବର୍ଷା ଯୋଗୁଁ ନିକଟରେ ଥିବା ଆମ୍ବ ଗଛ ତଳେ ଆଶ୍ରୟ ନେଇଥିଲେ।ସେହି ସମୟରେ ବଜ୍ରପାତ ଘଟିବା ଫଳରେ ସେ ଘଟଣା ସ୍ଥଳରେ ମୃତ୍ୟୁ ବରଣ କରିବା ସହିତ ତାଙ୍କ ସହିତ ଆଉ ଜଣେ ସାଥୀ ମଙ୍ଗୁ ପ୍ରଧାନ ଗୁରୁତର ଆହତ ହୋଇ ପଡ଼ିଥିଲେ।ତେବେ କିଛି ପ୍ରତ୍ୟକ୍ଷ ଦର୍ଶୀ ଙ୍କ ସହାୟତା ରେ ଦୁହିଁଙ୍କୁ ହିନ୍ଦୋଳ ଉପଖଣ୍ଡ ସ୍ତରୀୟ ମୂଖ୍ୟ ଚିକିତ୍ସାଳୟ କୁ ଆଣିବା ପରେ କର୍ତ୍ତବ୍ୟ ରତ ଡାକ୍ତର ସମୀର ରାଉତ ଙ୍କୁ ମୃତ ଘୋଷଣା କରିଥିଲେ।

            ବଜ୍ରାଘାତରେ ଅକାଳରେ ମୃତ୍ୟୁ ବରଣ କରିଥିବା ସମୀର ଙ୍କର ଘର ର ରୋଜଗାର କ୍ଷମ ବ୍ୟକ୍ତି ଥିବା ବେଳେ ତାଙ୍କୁ ହରାଇ ସ୍ତ୍ରୀ,ପିଲା ଛୁଆ,ବୁଢ଼ା ବାପା ମାଆ ବେସାହାରା ହୋଇ ପଡ଼ିଥିବା ବେଳେ ସରକାର ତରଫରୁ ସହାୟତା ଯୋଗାଇ ଦେବାକୁ ପରିବାର ତରଫରୁ ଅନୁରୋଧ କରାଯାଇଛି।

ଡ଼ ପ୍ରଦୀପ୍ତ କୁମାର, ମିଶ୍ର ସ୍ବତନ୍ତ୍ର ପ୍ରତିନିଧି ଓଡ଼ିଶା