ଧାନ ଫସଲ ଯଗିବା ବେଳେହାତୀ ଆକ୍ରମଣ, ଯୁବକ ଗୁରୁତର

 ଧାନ ଫସଲ ଯଗିବା ବେଳେହାତୀ ଆକ୍ରମଣ, ଯୁବକ ଗୁରୁତର

(ଲାଞ୍ଜିଗଡ଼, )କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ବିଶ୍ଵନାଥପୁର ରେଞ୍ଜ ଅନ୍ତର୍ଗତ ନିଜେପୁର ଥାନା ଅନ୍ତର୍ଗତ ତ୍ରିଲୋଚନପୁର ପଞ୍ଚାୟତର ବେଲାଙ୍ଗ ବୁଣ୍ଡେଲ ଗାଁର ବଳରାମ ଗଉଡ଼ଙ୍କ ପୁତ୍ର  ଅର୍ଜୁନ ଗଉଡ଼(୨୮) ହାତୀ ଆକ୍ରମଣରେ ଗୁରୁତର ହୋଇଛି।ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।

ସୂଚନା ଅନୁଯାୟୀ ବେଲାଙ୍ଗବୁଣ୍ଡେଲ ଗାଁର ବଳରାମ ଗଉଡ଼ଙ୍କ ଧାନ ଫସଲ ଅମଳ ହୋଇଥିବା ବେଳେ ନିକଟସ୍ଥ ଜଙ୍ଗଲରୁ ବାରିଆ ଆସି ଧାନ ଫସଲ ନଷ୍ଟ କରୁଛନ୍ତି।ତେଣୁ  ବଳରାମଙ୍କ ଦୁଇ ପୁଅ ଅର୍ଜୁନ ଓ ସାନପୁଅ ପୂର୍ଣ୍ଣ ଗଉଡ଼(୨୩)ମିଶିକି ଗାଁ ଠାରୁ ୫୦୦ ମିଟର ଦୂରରେ ଥିବା ନିଜ ଧାନ ଜମିକୁ ସନ୍ଧ୍ୟା ୮ ଘଣ୍ଟା ସମୟରେ ଜଗିବାକୁ ଯାଇଥିଲେ। ଧାନ ଵିଲ ହିଡରେ ଥିବା ଗଛରେ ୧୦ ଫୁଟ ଉପରେ ମଞ୍ଚା କରି ରହିଥିଲେ।ଠିକ ରାତ୍ର ୯:୪୫ ମିନିଟ ସମୟରେ ତିନି ଟିକିଆ ହାତୀ ପଲ ପ୍ରଥମେ ଏହି ଦୁଇ ଭାଇ ଶୋଇଥିବା ଗଛ ନିକଟକୁ ଆସି ଶୁଣ୍ଢରେ ମଞ୍ଚାକୁ ଭାଙ୍ଗିବା ଆରମ୍ଭ କରିଥିଲେ।ଏମାନେ ଜାଣିପାରି ଗଛ ଉପରକୁ ଚଡି ଯାଇଥିଲେ।ଏହା ପରେ ହାତୀ ପଲ ଗଛକୁ ବାରମ୍ବାର ଆକ୍ରମଣ କରିଥିଲେ।ପୂର୍ଣ୍ଣ ଗଛକୁ ଜାବୁଡି ଧରି ଗଛ ଉପରେ ରହି ଯାଇଥିବା ବେଳେ ଅର୍ଜୁନ ଗଛ ଉପରୁ ଧାନ ଫସଲ ଜମିକୁ ଖସି ଯାଇଥିଲା।ହେଲେ ଜମିଟି ଖାଲରେ ରହିଥିବା ବେଳେ ହାତୀ ଅର୍ଜୁନ କୁ ଦେଖି ପାରିନଥିଲେ। ମଞ୍ଚାରେ ଶୋଇବା ପାଇଁ ନେଇ ଥିବା ସାମଗ୍ରୀକୁ ଖଣ୍ଡବିଖଣ୍ଡ କରି ଏଣେତେଣେ ଫୋପାଡ଼ି ଦେଲେ।ହାତୀ ସେହି ସ୍ଥାନରୁ ଯିବା ପରେ ପୂର୍ଣ୍ଣ ଗଛରୁ ଓଲ୍ଲାଇ ଭାଇ ଅର୍ଜୁନକୁ ଧାନ ଖେତରୁ ଟାଣିବା ପାଇଁ ଚେଷ୍ଟା କରିଥିଲେ।କିନ୍ତୁ ଜମିରେ କାଦୁଅ ଓ ଅର୍ଜୁନଙ୍କ ଗୋଡ଼ ଏବଂ ପଞ୍ଜରା ଭାଙ୍ଗି ଯାଇଥିବା ଯୋଗୁଁ ଟାଣି ନପାରି ଗାଁକୁ ଆସି ପରିବାର ଓ ଗାଁ ଲୋକଙ୍କୁ ଜଣାଇଥିଲେ।ଏହା ପରେ ଘଟଣା ସ୍ଥଳକୁ ଯାଇ ଅର୍ଜୁନଙ୍କୁ ଧାନ ଖେତରୁ ଉଧାର କରି ରାତ୍ର ୧୦ ଘଣ୍ଟା ସମୟରେ ଭବାନୀପାଟଣା ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।ଡାକ୍ତରଙ୍କ ସୂତ୍ରରୁ ଅର୍ଜ୍ଜୁନଙ୍କ ଗୋଡ଼ ଓ ପଞ୍ଜରା ଭାଙ୍ଗିଥିବା ବେଳେ ଦେହରେ ମଧ୍ୟ ଆଘାତ ଜାଗିଥିବା ଜଣା ପଡିଛି।ବନ ବିଭାଗ କର୍ମଚାରୀ ଆଜି ସକାଳେ ଘଟଣାରେ ଆସି ତଦନ୍ତ କରୁଥିବା ବେଳେ ଡାକ୍ତରଖାନାରେ ଲାଞ୍ଜିଗଡ଼ ଫରେଷ୍ଟର ଚିତ୍ତରଞ୍ଜନ ବେହେରା ଉପସ୍ଥିତ ଥିବା ଜଣା ପଡିଛି।ଏନେଇ ଫରେଷ୍ଟର ଶ୍ରୀ ବେହେରାଙ୍କୁ ପଚାରିବାରୁ ମୁଁ ଡାକ୍ତରଖାନାରେ ଅଛି ଅର୍ଜୁନର ଗୋଡ଼ ଓ ଅଣ୍ଟାରେ ଆଘାତ ଲାଗିଛି।ବର୍ତ୍ତମାନ ତାଙ୍କ ଅବସ୍ଥା ଗୁରୁତର ନାହିଁ ବୋଲି ପ୍ରକାଶ କରିଛନ୍ତି।ଏହି ଅଞ୍ଚଳରେ ହାତୀ  ଆକ୍ରମଣରେ ୫ ବର୍ଷରେ ୧୨ ଜଣଙ୍କ ଜୀବନ ଗଲାଣି। ୨୦୨୫ ବର୍ଷ କରେ ଚଳିତ ମାସରେ କୁନ୍ନାକାଡୁ ଗାଁର ରବି ମାଝୀ(୬) କାତୁଲବାଇ ଗାଁର ଅନୀଲ ମାଝୀ(୧୮), ଦୋରାସାର୍ଲି ଗାଁର ମୁଗାନା ମାଝୀ (୭୦)ଓ ତାଙ୍କ ସ୍ତ୍ରୀ ଗାଦ ମାଝୀ(୬୬),୨୦୨୩ରେ ବସନ୍ତପଡା ଗାଁର ବାଙ୍ଗେରା ମାଝୀ (୫୫)ଓ ପୁଜୁଗୁଡ଼ା ଗାଁର ଖଗେଶ୍ଵର ଗଉଡ଼(୬୨)୨୦୨୩ରେ ବେରେନପିଣ୍ଡା ଗାଁର ରାଇ ମାଝୀ(୫୬),୨୦୨୧ ଡେଙ୍ଗସର୍ଗି ଗାଁର ରାଇ ମାଝୀ( ୬୧),୨୦୨୦ରେ ମଇଁଷି ପେଟା ଗାଁର ସାନେ ମାଝୀ (୬୦)ଙ୍କ ହାତୀ ଆକ୍ରମଣରେ ମୃତ୍ୟୁ ହୋଇଥିଲା।

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା