ପାନୀୟ ଜଳ ଟୋପାଏ ପାଇଁ ଲୋକେ ଡହଳ,ବିକଳ ,ସରକାରୀ ଅର୍ଥ ହଡପ କରି ଆୟସ ଆରାମ ରେ ଅଧିକାରୀ ଠୁ ରାଜନେତା ।

 ପାନୀୟ ଜଳ ଟୋପାଏ ପାଇଁ ଲୋକେ ଡହଳ,ବିକଳ ,ସରକାରୀ ଅର୍ଥ ହଡପ କରି ଆୟସ ଆରାମ ରେ ଅଧିକାରୀ ଠୁ ରାଜନେତା ।

ବଲାଙ୍ଗୀର/ଟିଟିଲାଗଡ: ଉଭୟ କେନ୍ଦ୍ର ଓ ରାଜ୍ୟ ସ୍ତରରେ ଡବଲ ଇଞ୍ଜିନ ସରକାର ଆସିଲେ ସବୁ ସମସ୍ୟା ର ସମାଧାନ ହୋଇ ଯିବ ବୋଲି କୁହାଯାଉଥିଲା । ପରିତାପ ର ବିଷୟ ଯେ,କୋଟି, କୋଟି ଟଙ୍କା ମଞ୍ଜୁର କରାଯାଇଛି ହେଲେ ସବୁ କାଗଜ ପତ୍ର ଜାଲିଆତି କରି ସରକାରୀ ,ବେସରକାରୀ ଭାବେ ହଡ଼ପ କରି ଦିଆଯିବା ଯୋଗୁଁ ଲୋକ ଙ୍କ ଦୁର୍ଦ୍ଦଶା ବୃଦ୍ଧି ପାଉଛି । ସରକାର ଙ୍କ ତରଫ ରୁ କୌଣସି ପଦାଧିକାରୀ ,ଅଧିକାରୀ ଯିଏ ହେଉ ନାଁ କାହିଁକି ସଠିକ୍ କାର୍ଯ୍ୟ ଧାର୍ଯ୍ୟ ସମୟ ମଧ୍ୟରେ ପୂରଣ ନ କଲେ ତୁରନ୍ତ ଦୃଢ଼ କାର୍ଯ୍ୟାନୁଷ୍ଠାନ ନିଆ ଯିବ । ପ୍ରକାଶ ଯେ,ଆଦିବାସୀ ଅଧ୍ୟୁଷିତ ଦାଦନ ପ୍ରବଣ,କେବିକେ ତାଲିକା ଭୂକ୍ତ ବଲାଙ୍ଗୀର ଜିଲ୍ଲା ରେ ଏହାର ଉଲଙ୍ଘନ କରି ବଦଳି ହୋଇ, ପ୍ରମୋସନ ଆଳରେ ଦାୟିତ୍ୱ ହସ୍ତାନ୍ତର କରି ଚମ୍ପଟ ମାରୁଛନ୍ତି ।

ଏହିପରି  ଜାଣି , ସୁଣି  କୋଟି, କୋଟି ଟଙ୍କା ହଡ଼ପ ସହ ଜାଲ, ଦସ୍ତଖତ,କାଗଜ ପତ୍ର କରି ଥିବା ଘଟଣା ନେଇ ଜିଲ୍ଲା ରେ ବିଭିନ୍ନ ମହଲ ରୁ ତିବ୍ର ବିରୋଧ ସହ ପ୍ରତିବାଦ , ରାଜ ରାସ୍ତା ଅବରୋଧ ସାଧାରଣ ପାଲଟିଛି ।

ବିଶେଷ ଦ୍ରଷ୍ଟବ୍ୟ ଯେ,ବଲାଙ୍ଗୀର ଜିଲ୍ଲା ର ତତଲାଗଡ ରୂପେ ଚିର ପରିଚିତ ଟିଟିଲାଗଡ ଯାହାର ତାପ ମାତ୍ରା ୫୦ ଡିଗ୍ରୀ କୁ ଛୁଇଁବା ନେଇ ଚର୍ଚ୍ଚା ର କେନ୍ଦ୍ର ବିନ୍ଦୁ ପାଲଟି ଥିଲା ସେହି ଜିଲ୍ଲା ରେ ବିଭିନ୍ନ ପାନୀୟ ଜଳ ଯୋଗାଣ ହେଲେ ଦାଦନ ଅନାହାର ମୃତ୍ୟୁ ଆଦି ସମସ୍ୟା ସମାଧାନ ହେବ ବୋଲି ବିଭିନ୍ନ ଯୋଜନା ପ୍ରଣୟନ କରାଯାଇଛି । 

ଏହି ଜିଲ୍ଲା ରେ ଏବେ ପିଇ ବାକୁ ପାଣି ଟୋପେ ନ ପାଇ ଗରା,ବାଲଟି ନେଇ ରାସ୍ତା ରୋକ୍ କରିବାକୁ ବାଧ୍ୟ ହେଉଛନ୍ତି । ଲକ୍ଷ ଲକ୍ଷ ଟଙ୍କା ବ୍ୟୟରେ ବଡ, ବଡ ଓଭର ହେଡ଼ ପାଣି ଟାଙ୍କି ଓ ସୁଚନା ଫଳକ କରି ଦିଆଯାଇ ଅର୍ଥ ମିଳି, ମିଶି ସବୁ ମାଲେମାଲ୍ ହୋଇ ଥିବା ବେଳେ ଲୋକେ ୧୪୦୦ ରୁ ୧୫୦୦ ଟଙ୍କା ଚାନ୍ଦା କରି ଟ୍ୟାଙ୍କର ଯୋଗେ ଗ୍ରାମବାସୀ ପାଣି ପାଉଛନ୍ତି ।

ଯୋଜନା କିଭଳି ରୂପାୟନ ହୋଇଛି ଏଥିରୁ ସହଜେ ଅନୁମେୟ । 

ଅଧିକାରୀ ମାନେ ମନଇଛା ଆରାମ ରେ ଥିବା ବେଳେ ଜିଲ୍ଲା ର ଟିଟିଲାଗଡ ଓ ଆଉ କେତୋଟି ବ୍ଲକ ଅଞ୍ଚଳ ଦାୟିତ୍ୱ ରେ ଥିବା ଅଧିକାରୀ ବୃନ୍ଦାବନ ମେହେର ଏ ନେଇ କାର୍ଯ୍ୟରତ ଅବସ୍ଥାରେ ମଦ୍ୟ ପାନ କରି ସବୁ ନିଜ ପାଟି ରୁ ଖୋଲି ପ୍ରକାଶ କରିଛନ୍ତି । ଡେପୁଟି ସୀଏମ୍ କନକ ବର୍ଦ୍ଧନ ସିଂହଦେଓ ଠୁଁ ନେଇ ଭିଜିଲାନ୍ସ ଆମ ହାତ ମୁଠାରେ,ସବୁ ସରପଞ୍ଚ,ସବୁ ରିପୋର୍ଟର ଙ୍କ କୋଟା ଦିଆଯାଉଛି । ବଲାଙ୍ଗୀର ଜିଲ୍ଲା ପୂର୍ବତନ ମୁଖ୍ୟ ଅଧିକାରୀ ରୌପ୍ୟ ରଞ୍ଜନ ବେହେରା ଟିଟିଲାଗଡ ଆସି ଅତି ଜରୁରୀ ଅଞ୍ଚଳ ରେ ପାନୀୟ ଜଳ ବ୍ୟବସ୍ଥା କରିବେ କହି ନିର୍ଦ୍ଦେଶ ଦେଇ ଥିବା ବେଳେ ତାହା ସେମିତି ଦିନ ଗଡି ଚାଲିଛି। ଏଥି ପାଇଁ ସରକାର ଙ୍କ ନିୟମ ଅନୁଯାୟୀ ଏହି ଅଧିକାରୀ ଙ୍କ ବିରୋଧ ରେ କଣ,କଣ ପଦକ୍ଷେପ ଗ୍ରହଣ କରିଛନ୍ତି ଓ ଗ୍ରହଣ ନ କରିବା କାରଣ କଣ  ?

ଦୀର୍ଘ ବର୍ଷ ପରେ ଡବଲ ଇଞ୍ଜିନ ସରକାର ଆସି ବର୍ଷାଧିକ କାଳ ବିତି ଚାଲିଛି, କିନ୍ତୁ ସାଧାରଣ ସେଇ ଦୁର୍ଦ୍ଦଶା ଭୋଗି ଚାଲିଛନ୍ତି। ଏଥି ପାଇଁ ଦାୟୀ କିଏ ତାହା ଏକ ବିରାଟ ପ୍ରଶ୍ନବାଚୀ,ଏବେ ଦେଖିବାକୁ ବାକି ରହିଲା କଣ ପଦକ୍ଷେପ କିଏ ନେବ ?

ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା