କ୍ୟାମ୍ପସରେ ଛାତ୍ରଛାତ୍ରୀଙ୍କୁ ମିଳିଲା ମଧ୍ଯାନ୍ନଭୋଜନ

 କ୍ୟାମ୍ପସରେ

ଛାତ୍ରଛାତ୍ରୀଙ୍କୁ ମିଳିଲା ମଧ୍ଯାନ୍ନଭୋଜନ 

ଖଣ୍ଡପଡ଼ା ୨୯|୮ (ପୂର୍ଣ୍ଣ ଚନ୍ଦ୍ର ମହାପାତ୍ର): ଖଣ୍ଡପଡ଼ାସ୍ଥିତ ପିଏମଶ୍ରୀ ରାମଚନ୍ଦ୍ର ଉଚ୍ଚ ବିଦ୍ୟାଳୟଳର ଛାତ୍ରଛାତ୍ରୀମାନେ ଦୈନିକ ମଧ୍ଯାନ୍ନ ଭୋଜନ ଖାଇବା ନିମନ୍ତେ ହନ୍ତସନ୍ତ ହେଉଥିବା ବେଳେ ଏଥି ନିମନ୍ତେ ଅନୁଷ୍ଠାନର ଶିକ୍ଷକ ଓ ଶିକ୍ଷୟିତ୍ରୀମାନଙ୍କୁ ହନ୍ତସନ୍ତ ହେବାକୁ ପଡୁଥିଲା।ତେବେ ଗଣମାଧ୍ୟମରେ ଖବର ପ୍ରକାଶନ ପରେ ବିଦ୍ୟାଳୟ କର୍ତ୍ତୃପକ୍ଷଙ୍କ ପକ୍ଷରୁ ତତ୍ପରତା ପ୍ରକାଶ ପାଇଛି। ପିଏମଶ୍ରୀ ରାମଚନ୍ଦ୍ର ଉଚ୍ଚ ବିଦ୍ୟାଳୟ କର୍ତୃପକ୍ଷଙ୍କ ପ୍ରଚେଷ୍ଟାକ୍ରମେ ବିଦ୍ୟାଳୟର କ୍ୟାମ୍ପସ ୧ ଓ ୨ ରେ ପାଠ ପଢୁଥିବା ଛାତ୍ରଛାତ୍ରୀମାନଙ୍କ ନିମନ୍ତେ ସମ୍ପୃକ୍ତ କ୍ୟାମ୍ପସ ପରିସରରେ ମଧ୍ଯାନ୍ନଭୋଜନର ବ୍ଯବସ୍ଥା କରାଯାଇଥିବା ଅନୁଷ୍ଠାନର ପ୍ରଧାନଶିକ୍ଷୟତ୍ରୀ ଲିପ୍ସା ନନ୍ଦଙ୍କ ଠାରୁ ପ୍ରକାଶ । ଉଭୟ କ୍ୟାମ୍ପସରେ ପାଠ ପଢୁଥିବା ଛାତ୍ରଛାତ୍ରୀମାନଙ୍କ ନିମନ୍ତେ ମଧ୍ଯାନ୍ନଭୋଜନର ବ୍ଯବସ୍ଥା ପରେ ଅଭିଭାବକ ମହଲରେ ଆନନ୍ଦ ପ୍ରକାଶ ପାଇଛି। ପ୍ରକାଶଥାଉକି ଏଥିପୂର୍ବରୁ ବିଦ୍ୟାଳୟର କ୍ୟାମ୍ପସ ୨ ରେ ମଧ୍ଯାନ୍ନ ଭୋଜନ ପ୍ରସ୍ତୁତ ହେଉଥିବା ବେଳେ କ୍ୟାମ୍ପସ ୧ ରେ ପାଠ ପଢୁଥିବା ପିଲାମାନେ ଦୈନିକ ମୁଖ୍ଯ ରାସ୍ତା ପାର ହୋଇ ଶିକ୍ଷକ ଓ ଶିକ୍ଷୟତ୍ରୀଙ୍କ ଗହଣରେ କ୍ୟାମ୍ପସ ୨ ପରିସରକୁ ମଧ୍ଯାନ୍ନ ଭୋଜନ ଖାଇବା ନିମନ୍ତେ ଯାଉଥିବାରୁ ସମସ୍ୟା ସୃଷ୍ଟି ହେଉଥିଲା।

ମଣିଭଦ୍ରା ଖବର, ଖଣ୍ଡପଡ଼ା