ସାଧୁ ପିତର ଯୁବସଂଘର ଶିକ୍ଷା ଶିବିର ଓ ନୂତନ କର୍ମକର୍ତ୍ତା ଚୟନ

 ସାଧୁ ପିତର ଯୁବସଂଘର ଶିକ୍ଷା ଶିବିର ଓ ନୂତନ କର୍ମକର୍ତ୍ତା ଚୟନ |

ଆର,ଉଦୟଗିରି (ମନୋଜ ପାଢୀ),୩୦/୮/୨୫.. ଗଜପତି ଜିଲ୍ଲା ମୋହନା ଅଞ୍ଚଳର କ୍ୟାଥଲିକ ଚ଼ର୍ଚ୍ଚ ପକ୍ଷରୁ ଏକ ଶିକ୍ଷା ଶିବିର ସ୍ଥାନୀୟ ସାଧୁ ପିତର ପାରିସ ହଲ୍ ପରିସରରେ  ଅନୁଷ୍ଠିତ ହୋଇଯାଇଛି। ଏହି ଶିକ୍ଷା ଶିବିରରେ ମୋହନା ମୁଖ୍ୟଯାଜକ ଫା. ଆଇଶାକ ନାୟକ ମୁଖ୍ୟଅତିଥି ଭାବରେ ଯୋଗଦେଇ ନିଜ ଜୀବନର ଯୁବା ସମୟକୁ ବଖାଣିବା ସହ ଏହାର ସତ୍ ବିନିଯୋଗ କରିବା ନିମନ୍ତେ ଉପସ୍ଥିତ ଯୁବତୀ ଯୁବକ ମାନଙ୍କୁ ଉପଦେଶ ଦେଇଥିଲେ। ଦାନ୍ତଲିଙ୍ଗି ସହକାରୀ ଯାଜକ ଫା. ଜୁସବନ୍ତ ବିଷୋୟୀ ମୁଖ୍ୟବକ୍ତା ଭାବରେ ଯୋଗଦେଇ ଯୁବତୀ ଯୁବକଙ୍କୁ କେଉଁଭଳି ଭାବରେ ଚରିତ୍ରବାନ ହୋଇ ମାନବସେବା କରିପାରିବେ ସେ ସମ୍ପର୍କରେ ବିସ୍ତୃତ ଭାବରେ କହିଥିଲେ। ସ୍ଥାନୀୟ ସାଧୁ ପିତର ଇଂରାଜୀ ମାଧ୍ୟମ ବିଦ୍ୟାଳୟର ସମ୍ପାଦକ ତଥା ମୋହନା ଯୁବ ନିର୍ଦ୍ଦେଶକ ଫା. ମଲାକ୍ୟାସ ବୀର ଉପସ୍ଥିତ ରହି ଯୁବତୀ ଯୁବକଙ୍କୁ କଠିନ ପରିଶ୍ରମ ଓ କାମ କରିବାକୁ ପରାମର୍ଶ ଦେଇଥିଲେ। ସମାଜସେବୀ ସୁଜ୍ଞାନ ସାଗର ପ୍ରଶିକ୍ଷକ ଭାବରେ ଯୋଗଦେଇ ଯୁବପିଢ଼ି ନିମନ୍ତେ ଶିକ୍ଷାର ଆବଶ୍ୟକତା ସମ୍ଵନ୍ଧରେ ଆଲୋକପାତ କରିଥିଲେ | ଏହି କାର୍ଯ୍ୟକ୍ରମରେ ମୋହନା ଗ୍ରାମ ପଞ୍ଚାୟତ ନାଏବ ସରପଞ୍ଚ ରସାନନ୍ଦ ପାଣି, ପ୍ରଶାନ୍ତ ବୀର, ପ୍ରଫୁଲ୍ଲ ଲିମା ସମ୍ମାନିତ ଅତିଥି ଭାବରେ ଯୋଗଦେଇ ନିଜର ମୂଲ୍ୟବାନ ବକ୍ତବ୍ୟ ରଖିଥିଲେ। ସମସ୍ତଙ୍କ ଉପସ୍ଥିତିରେ ସାଧୁ ପିତର ଯୁବସଂଘ ନିମନ୍ତେ ନୂତନ କର୍ମକର୍ତ୍ତା ଚୟନ କରାଯାଇଥିଲା। ସଭାପତି ଭାବେ ରୁଲୁ ନାୟକ, ଉପ-ସଭାପତି ତୋଫାନ ନାୟକ, ସମ୍ପାଦକ ଅମିତ କୁମାର ନାୟକ, ସହ-ସମ୍ପାଦକ ରବି ପାଇକ, କୋଷାଧ୍ୟକ୍ଷ  ସାମସନ୍ ନାୟକ, ସହ-କୋଷାଧ୍ୟକ୍ଷ ସ୍ନେହା ବୀର ମନୋନୀତ ହୋଇଥିଲେ। ପରିଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି ଶିବିରକୁ ଯୁବକ ସଂଘର ସମସ୍ତ କର୍ମକର୍ତ୍ତା ପରିଚାଳନା କରିଥିଲେ।

ମଣିଭଦ୍ରା ଖବର, ଗଜପତି