ଗଣିଆର ବିଭିନ୍ନ ସ୍ଥାନରେ ଜାତୀୟ ପତାକାକୁ ଅସମ୍ମାନ
ଗଣିଆ ୩୦/୦୮(ମଣିଭଦ୍ରା ଖବର) ବହୁ ଧୁମଧାମରେ ଆମ ଦେଶ ପାଳିଛି ୭୯ ତମ ସ୍ବାଧିନତା ଦିବସ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ବାନରେ ହର୍ ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଭିନ୍ନ ସ୍ଥାନରେ ଏଥିପାଇଁ ବାଇକ୍ ରାଲି ଶୋଭାଯାତ୍ରା ଠାରୁ ଆରମ୍ଭ କରି ଜନସାଧାରଣଙ୍କୁ ସଚେତନ ମଧ୍ୟ କରାଯାଇଥିଲା । ସ୍ବେଛାସେବୀ ସଂଗଠନ ଠାରୁ ଆରମ୍ଭ କରି ବିଭିନ୍ନ କାର୍ଯ୍ୟାଳୟ ତଥା ନିଜ ନିଜର ଘର ସମ୍ମୁଖରେ ତ୍ରିରଙ୍ଗା ବାନ୍ଧି ଦେଶପ୍ରେମର ଉଦାହରଣ ସାରିବାକୁ ପରାମର୍ଶ ଦିଆଯାଇଥିଲା । ଏଥିପାଇଁ ଗାଁ ଗାଁ ବୁଲି ତ୍ରିରଙ୍ଗା ପତାକା ମଧ୍ୟ ବଣ୍ଟନ କରାଯାଇଥିଲା । କିନ୍ତୁ ଦୁଃଖ ଓ ପରିତାପର ବିଷୟ ସେହି ହର ଘର୍ ତ୍ରିରଙ୍ଗା କାର୍ଯ୍ୟକ୍ରମ ଏବେ ପ୍ରହଶନ ପାଲଟିଛି । ଗଣିଆ ବ୍ଳକର ଅନେକ ସ୍ଥାନରେ ଜାତୀୟ ପତାକାକୁ ଅସମ୍ମାନ କରାଯାଇଥିବା ଦେଖିବାକୁ ମିଳିଛି । କେଉଁଠି ଛାତରେ ଓହଳି ପଡିଛି ତ ଆଉ କେଉଁଠି ଖୋଲା ଛାତ ତଳେ ପଡ଼ିରହିଛି ।
ଆଉ କେଉଁଠି ସିଧା ଓହଲାଇବା ବଦଳରେ ତଳକୁ ମୁଁହ କରି ଟଙ୍ଗା ଯାଇଛି । ଯଦି ସରକାରଙ୍କ ତରଫରୁ ନିର୍ଦିଷ୍ଟ ସମୟ କିମ୍ବା ଦିନ ଧାର୍ଯ୍ୟ କରାଯାଇଥାଆନ୍ତା ତେବେ ହୁଏତ ଜାତୀୟ ପତାକାକୁ ଏଭଳି ଅସମ୍ମାନ ହୋଇ ନଥାନ୍ତା । ଫଟୋରେ ୪ଟି ସ୍ଥାନର ଚିତ୍ର ପ୍ରଦାନ କରାଯାଇଥିବା ବେଳେ ଏଭଳି ଅନେକ ସ୍ଥାନରେ ଜାତୀୟ ପତାକାକୁ ଅସମ୍ମାନ କରାଯାଇଥିବା ଦେଖିବାକୁ ମିଳିଛି । ତେବେ ତୁରନ୍ତ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।
ମଣିଭଦ୍ରା ଖବର, ଗଣିଆ
Post a Comment