ଦଶିପୁର ଗୋରୁହାଟରେ ଜଳିଗଲା ୧୫ରୁ ଅଧିକ ପାଳଗଦା

 ଦଶିପୁର ଗୋରୁହାଟରେ ଜଳିଗଲା ୧୫ରୁ ଅଧିକ ପାଳଗଦା

ଗଣିଆ (ମଣିଭଦ୍ରା ଖବର) ଗଣିଆ ବ୍ଳକ ବେଲପଡାପାଟଣା ପଞ୍ଚାୟତ ଦଶିପୁର ତୋଟାଠାରେ ଥିବା ଖଳାରେ ପ୍ରାୟ ୧୫ରୁ ଅଧିକ ପାଳଗଦା ଆଜି ସନ୍ଧ୍ୟାରେ ଜଳି ଯାଇଥିବା ଜଣାପଡିଛି । ଘଟଣାସ୍ଥଳରେ ଗଣିଆ ଅଗ୍ନିଶମ ଅଧିକାରୀ ବିଜୟାନନ୍ଦ ପରିଡା ପହଞ୍ଚି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ । ତେବେ ନିଆଁର ପ୍ରଖର ଏତେ ଜୋର ଥିଲା ଯେ ନିଆଁ ଆୟତନ ହୋଇନଥିଲା । 

ତଥାପି ୨ ଘଣ୍ଟା ଧରି ଅଗ୍ନି ଶମ ବାହିନୀ ଚେଷ୍ଟା ଜାରି ରଖିଥିଲେ । ପ୍ରାୟ ୧୫ ଜଣ ଚାଷୀ ଏହି ଧାନଖଳାରେ ପାଳଗଦା କରି ନିଜର ଗୋରୁ ମାନଙ୍କ ବର୍ଷସାରା ଆହାର ପାଇଁ ରଖିଥିଲେ । ତେବେ ସେଠାରେ କିଛି ଅସାମାଜିକ ଯୁବକ ମଦ୍ୟପାନ କରିବା ସହିତ ସିଗାରେଟ ଖାଇ ନିଆଁ ପକାଇବାରୁ ଏଭଳି ଘଟଣା ଘଟିଛି ବୋଲି ଗ୍ରାମବାସୀ ପ୍ରକାଶ କରିଛନ୍ତି । ଉକ୍ତ ତୋଟାଟି ଏକ ନିକାଞ୍ଚନ ସ୍ଥାନରେ ଥିବାରୁ ସେଠାରେ ସନ୍ଧ୍ୟା ସମୟରେ ମଦୁଆଙ୍କ ଆଡ୍ଡାସ୍ଥଳୀ ଜଳୁଥିବା ମଧ୍ୟ ଗ୍ରାମବାସୀ ଅଭିଯୋଗ କରିଛନ୍ତିି । ତେବେ ଗରୀବ ନିରିହ ଚାଷୀ ମାନଙ୍କର ପାଳଗଦା ଜଳି ଯାଇଥିବାରୁ ତାଙ୍କୁ ସରକାରୀ ସହାୟତା ପ୍ରଦାନ କରିବାକୁ ଦାବୀ ହେଉଛି । 

ବ୍ୟୁରୋ ରିପୋର୍ଟ ମଣିଭଦ୍ରା ଖବର