ଫାର୍ମ କର୍ମଚାରୀଙ୍କୁ ଆକ୍ରମଣ କରି ୪ ଲକ୍ଷ ଟଙ୍କା ଲୁଟିନେଲେ ଦୁବୃର୍ତ୍ତ

 ଫାର୍ମ କର୍ମଚାରୀଙ୍କୁ ଆକ୍ରମଣ କରି  ୪ ଲକ୍ଷ ଟଙ୍କା ଲୁଟିନେଲେ ଦୁବୃର୍ତ୍ତ

ନୂଆଗାଁ (ପୁଷ୍ପଲତା ପ୍ରଧାନ) ନୟାଗଡ ଜିଲ୍ଲା ନୂଆଗାଁ ବ୍ଲକ୍ ଅନ୍ତର୍ଗତ ମହିତମା ଗ୍ରାମ ନିକଟସ୍ଥ ହିଲ୍ ସାଇଡ୍ କୁକୁଡ଼ା ଫାର୍ମ ନିକଟରୁ ମରଣା ତ୍ମକ ଆକ୍ରମଣ କରି ୪ ଲକ୍ଷ ଲୁଟିନେଲେ ଦୁବୃର୍ତ୍ତ। ସୂଚନା ଅନୁଯାୟୀ ମହିତମା ଗ୍ରାମ ନିକଟସ୍ଥ ହିଲ୍ ସାଇଡ୍ କୁକୁଡ଼ା ଫାର୍ମ ର ଶୁକଦେବ ପରିଡ଼ା, ସମୀର କୁମାର ଜେନା ୪ ଲକ୍ଷ ଟଙ୍କା ନେଇ ଦ୍ୱିପହର ସମୟରେ  ହିରୋହୋଣ୍ଡା ଡିଲକ୍ସ ଗାଡ଼ି ନଂ( ଓଡ଼ି-୦୨ ଏ - ଡବ୍ଲୁ - ୪୧୪୬) ରେ ଦଶପଲ୍ଲା ୟୁନିଅନ୍ ବ୍ୟାଙ୍କ ରେ ଟଙ୍କା ଜମା କରିବା ପାଇଁ ଯିବା ସମୟରେ ଫାର୍ମ ଠାରୁ କିଛି ଦୂରରେ ୪ ଜଣ ଆସି ଭୁଜାଲି ,ଠେଙ୍ଗା  ରେ ମରଣାତ୍ମକ ଆକ୍ରମଣ କରି,୪ ଲକ୍ଷ ଲୁଟିନେଇ ଚାଲି ଯାଇଥିଲେ।ଏହି ଖବର ଜାଣିବା ପରେ  ଫାର୍ମ ମାଲିକ ସର୍ବେଶ୍ଵର ବେହେରା ନୂଆଗାଁ ଥାନା ରେ ଲିଖିତ ଅଭିଯୋଗ କରିଛନ୍ତି।ନୂଆଗାଁ ଥାନା ଅଧିକାରିଣୀ ପୁଷ୍ପଲତା ବେହେରା ୧୨୨/୨୨ ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି।ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ ବିଦ୍ୟୁତ୍ ପଣ୍ଡା ଆସି ଘଟଣା ସ୍ଥଳ ପରିଦର୍ଶନ କରି ଥାନା ଅଧିକାରିଣୀ ଙ୍କ ସହ ଘଟଣା ସମ୍ପର୍କରେ ଆଲୋଚନା କରିଛନ୍ତି ।ତେବେ ଏହି ଅଞ୍ଚଳ ର  ଚତୁପାର୍ଶ୍ଵ ବଣ ଜଙ୍ଗଲ ଘେରି ରହିଥିବାରୁ  ଅଧିକ ଡକାୟତି ହେଉଥିବା ନେଇ ଜନ ସାଧାରଣ ଏହି ରାସ୍ତାରେ ଯାତାୟାତ ପାଇଁ ଭୟଭୀତ ହେଉଛନ୍ତି। 

ରିପୋର୍ଟ ପୁଷ୍ପଲତା ପ୍ରଧାନ, ନୂଆଗାଁ