ରାଷ୍ଟ୍ରୀୟ ମର୍ଯ୍ୟାଦା ସହିତ ସୀମା ସୁରକ୍ଷା ବାହିନୀ ଜବାନଙ୍କ ଶେଷକୃତ୍ୟ ସମ୍ପନ୍ନ
ମଣିଭଦ୍ରା ଖବର (ଦେବୀ ପ୍ରସାଦ ଦାଶ) ରାଷ୍ଟ୍ରୀୟ ମର୍ଯ୍ୟାଦା ସହ ସୀମା ସୁରକ୍ଷା ବାହିନୀର ଜବାନ ବୈଠକ ନାଥ ପ୍ରଧାନଙ୍କ ଶେଷକୃତ୍ୟ ହୋଇଥିବା ଜଣାପଡିଛି । ସେ ତ୍ରିପୁରାରେ ସୀମା ସୁରକ୍ଷା ବାହିନୀ ଅତିରିକ୍ତ ଉପ ନୀରିକ୍ଷକ ଭାବେ କାର୍ଯ୍ୟ କରୁଥିଲେ । ଗତ କିଛି ଦିନ ହେବ ହୃଦରୋଗରେ ସେ ପୀଡ଼ିତ ଥିଲେ । କାର୍ଯ୍ୟରତ ଅବସ୍ଥାରେ ସେ ଚିକିତ୍ସିତ ହେଉଥିଲେ । ତାଙ୍କର ଦେହାନ୍ତ ପରେ ତାଙ୍କ ମର ଶରୀରକୁ ନିଜ ପୈତୃକ ଗ୍ରାମ କୁଞ୍ଜବନକୁ ଅଣାଯାଇଥିଲା । ସେଠାରେ ଶ୍ମଶାନରେ ରାଷ୍ଟ୍ରୀୟ ମର୍ଯ୍ୟାଦା ତୋପ ସଲାମୀ ପରେ ତାଙ୍କର ଏକମାତ୍ର ପୁଅ ବିରୁପାକ୍ଷ ପ୍ରଧାନ ମୁଖାଗ୍ନି ଦେଇଥିଲେ । ରଣପୁର ବିଧାୟକ ସତ୍ୟନାରାୟଣ ପ୍ରଧାନ,ନୟାଗଡ ଜିଲ୍ଲା ପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ, ରଣପୁର ଥାନା ନିରିକ୍ଷକ ଉପସ୍ଥିତ ରହି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
ଦେବୀ ପ୍ରସାଦ ଦାଶ, ମଣିଭଦ୍ରା ଖବର
Post a Comment