ବାଇକ୍ ସହିତ ୧୩ କେଜି ଗଞ୍ଜେଇ ଜବତ, ୬୦ ବର୍ଷିୟ ବୃଦ୍ଧ ଗିରଫ
ଗଣିଆ ୦୧/୦୭(ମଣିଭଦ୍ରା ଖବର) ଗଣିଆ ଥାନା ଅଧିକାରୀ ଟଙ୍କଧର ଛତ୍ରିୟା, ଏଏସଆଇ ଶାହା ଆଲାମ ଖାଁ ପାଟ୍ରୋଲି° କରୁଥିବା ବେଳେ ଦଶିପୁର ତୋଟା ନିକଟରୁ ଜଣେ ୬୦ ବର୍ଷିୟ ବୃଦ୍ଧଙ୍କୁ ଗିରଫ କରିଥିବା ଜଣାପଡିଛି । ବୃଦ୍ଧ ଜଣକ ନରସିଂହପୁର ଲେମ୍ବୁଜେନା ସାହିର ସୁଧାକର ସାହୁ ବୋଲି ଜଣାପଡିଛି । ତାଙ୍କ ନିକଟରୁ ପୋଲିସ ୧୩ କିଲୋ ଗଞ୍ଜେଇ ଜବତ କରିବା ସହିତ ଗୋଟିଏ ବାଇକ୍ ମଧ୍ୟ ଜବତ କରିଛନ୍ତି । ବୃଦ୍ଧ ଜଣକ ଫୁଲବାଣୀରୁ ଗଞ୍ଜେଇ ନେଇ ନରସିଂହପୁର ଯାଉଥିବା ଜଣାଇଛି । ଅତିରିକ୍ତ ତହସିଲଦାର ରମେଶ ଗୋଛିଙ୍କ ଉପସ୍ଥିତିରେ ଗଞ୍ଜେଇ ଓଜନ କରାଯାଇ ଜବତ କରାଯାଇଥିବା ବେଳେ ଆସନ୍ତାକାଲି ବୃଦ୍ଧ ଜଣଙ୍କୁ କୋର୍ଟ ଚାଲାଣ କରାଯିବ ବୋଲି ଥାନା ଅଧିକାରୀ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ ମଣିଭଦ୍ରା ଖବର
إرسال تعليق