*ବ୍ରହ୍ମପୁର ବହୁଚରୀ ମାତାଙ୍କ ପୂଜା ମହାସମାରୋହରେ ଅନୁଷ୍ଠିତ, କିନ୍ନର ସମାଜର ଭକ୍ତିମୟ ସମାରୋହ*
ବ୍ରହ୍ମପୁର, ଗଞ୍ଜାମ-: ଓଡ଼ିଶାର ଗଞ୍ଜାମ ଜିଲ୍ଲାର ବ୍ରହ୍ମପୁରରେ ଆଜି ବହୁଚରୀ ମାତାଙ୍କ ପୂଜା ଅତ୍ୟନ୍ତ ଧୁମଧାମରେ ଅନୁଷ୍ଠିତ ହୋଇଯାଇଛି। ଗୁଜରାଟର ମେହସାନା ଜିଲ୍ଲାର ବେଚରାଜୀରେ ଅବସ୍ଥିତ ବହୁଚରୀ ମାତାଙ୍କ ପ୍ରସିଦ୍ଧ ମନ୍ଦିର କିନ୍ନର ସମାଜର କୁଳଦେବୀ ଭାବେ ପୂଜିତ ହେଉଥିବା ବେଳେ, ଏହି ପୂଜା ଓଡ଼ିଶାରେ ମଧ୍ୟ ଏକ ବିଶେଷ ଧାର୍ମିକ ଓ ସାମାଜିକ ମହତ୍ତ୍ୱ ରଖିଛି।
ବହୁଚରୀ ମାତାଙ୍କ କାହାଣୀ ସାହସ ଓ ବଳିଦାନର ଏକ ଅନନ୍ୟ ଗାଥା। ଚାରଣ ବଂଶର ବାପାଲ୍ଦାନ୍ ଦେଥାଙ୍କ କନ୍ୟା ବହୁଚରୀ ଏକ ଡକାୟତ ଆକ୍ରମଣରୁ ସମ୍ମାନ ରକ୍ଷା କରିବା ପାଇଁ ଆତ୍ମବଳିଦାନ ଦେଇଥିଲେ, ଯାହା ତାଙ୍କୁ ଦେବୀରୂପେ ପରିଣତ କରିଥିଲା। ଏହି ପରମ୍ପରା କିନ୍ନର ସମାଜରେ ଆଜି ମଧ୍ୟ ଜାରି ରହିଛି, ଯେଉଁଥିରେ ସେମାନେ ବହୁଚରୀ ମାତାଙ୍କୁ ଅର୍ଧନାରୀଶ୍ୱର ରୂପରେ ପୂଜନ୍ତି।
ଏହି ପୂଜାର ମୁଖ୍ୟ ଆକର୍ଷଣ ଥିଲା ଜଣେ କିନ୍ନରଙ୍କୁ ବହୁଚରୀ ମାତାଙ୍କ ସ୍ୱପ୍ନରେ ଦର୍ଶନ। ଏହି ଦିବ୍ୟ ଅନୁଭବ ପରେ ସେ ୪୦ ଦିନ କଠୋର ଉପବାସ ପାଳନ କରିଥିଲେ। ୪୧ତମ ଦିନରେ ଏହି ମହାପୂଜା ଆୟୋଜିତ ହୋଇଥିଲା, ଯେଉଁଥିରେ ଗଞ୍ଜାମ ଜିଲ୍ଲାର ସମସ୍ତ କିନ୍ନର ସମାଜର ସଦସ୍ୟମାନେ ଏକତ୍ରିତ ହୋଇ ମାତାଙ୍କୁ ପୂଜା ଅର୍ପଣ କରିଥିଲେ। ପୂଜା ପରେ ସମସ୍ତେ ଅର୍ନ ଓ ପ୍ରସାଦ ଗ୍ରହଣ କରିଥିଲେ।
ଏହି ଅବସରରେ ଶାନ୍ତି କିନ୍ନର, ବାବୁଲା କିନ୍ନର, ଲୋଭଲି, ବିନି, ବିନ୍ଦି, ପ୍ରୀତି, ରଞ୍ଜିତ, ବିନ୍ଦୀୟ, ବର୍ଷା, ଜ୍ୟୋତି, ଗଙ୍ଗା ପ୍ରମୁଖ ଉପସ୍ଥିତ ଥିଲେ। ଏହି ପୂଜା କେବଳ ଧାର୍ମିକ ଭକ୍ତିର ପରିଚୟ ନୁହେଁ, ବରଂ କିନ୍ନର ସମାଜର ଏକତା, ସମ୍ମାନ ଓ ସାମାଜିକ ସମନ୍ୱୟର ଏକ ଉଜ୍ଜ୍ୱଳ ଉଦାହରଣ ମଧ୍ୟ ବୋଲି ସ୍ଥାନୀୟ ଲୋକେ କହିଛନ୍ତି।
ଡ଼ ପ୍ରଦୀପ୍ତ କୁମାର ମିଶ୍ର, ସ୍ବତନ୍ତ୍ର ପ୍ରତିନିଧି ଓଡ଼ିଶା
إرسال تعليق